Stocks To Buy: ഇന്ത്യൻ ഓഹരി വിപണികളുടെ തളർച്ച തുടരുകയാ്ണ്. പിന്തുണ കേന്ദ്രങ്ങൾ ഒന്നും തന്നെ നിക്ഷേപകർക്ക് അനുകൂലമായി പ്രവർത്തിക്കുന്നില്ല. ആഗോള വിപണികൾ ഏറെ കലുഷിതമായ്. ഇസ്രായേൽ- ഹമാസ് യുദ്ധം ഏതു നിമിഷവും മിഡിൽ ഈസ്റ്റിനെ ബാധിക്കുമെന്ന ആശങ്ക നാൾക്കുനാൾ വർധിച്ചുവരുന്നു. കമ്പനിയുടെ വരുമാന കണക്കുകൾക്കൊന്നും നിക്ഷേപകരെ പിടിച്ചു നിർത്താൻ സാധിക്കുന്നില്ല. വിദഗ്ധർ പോലും 'Sell On Rise' തന്ത്രം നിർദേശിക്കുന്നു. അതേസമയം ദീർഘകാല ലക്ഷ്യങ്ങളുള്ളവർക്ക് ഒരോ താഴ്ചയും അവസരങ്ങൾ സൃഷ്ടിക്കുന്നുവെന്നാണു വിദഗ്ധർ പറയുന്നത്.

പണപ്പെരുപ്പം, വിദേശ സ്ഥാപന നിക്ഷേപകരുടെ കൊഴിഞ്ഞുപോക്ക്, ഇന്ത്യൻ രൂപയുടെ തളർച്ച, ഡോളറിന്റെ കുതിപ്പ്, ബോണ്ട് വരുമാന വർധന, എണ്ണവില, യുദ്ധം, യുറോപ് തളർച്ച... ഓഹരി വിപണികൾ വരും സെഷനുകളിലും തളർച്ച തുടരാനാണു സാധ്യത കൂടുതൽ. വിരലിൽ എണ്ണാവുന്ന ദിവസങ്ങൾക്കുള്ളിൽ ഇന്ത്യൻ സൂചികകൾ മൂന്നു ശതമാനത്തിലേറെ ഇടിഞ്ഞു. കഴിഞ്ഞ അഞ്ചു സെഷനിലും സൂചികകൾ കടുത്ത ചുവപ്പാണ് കണ്ടത്.