വെ​ടി​ക്കെ​ട്ട് നി​രോ​ധ​ന​ വിധി ; തൃ​ശൂ​ർ പൂ​ര​ത്തി​ന് ബാ​ധ​ക​മ​ല്ല

സര്‍ക്കാരിന്റെ അടിയന്തിര ഇടപെടലില്‍ ദേവസ്വങ്ങള്‍ക്ക് സംതൃപ്തി

തൃ​ശൂ​ർ: ‘അ​സ​മ​യ’​ത്തെ വെ​ടി​ക്കെ​ട്ട് നി​രോ​ധി​ച്ച ഹൈ​കോ​ട​തി സിം​ഗി​ൾ ബെ​ഞ്ച് വി​ധി​യി​ൽ ക​ടു​ത്ത നി​രാ​ശ​യി​ലും ആ​ശ​ങ്ക​യി​ലു​മാ​യി​രു​ന്ന പൂ​ര​ന​ഗ​രി​യി​ൽ, ചൊ​വ്വാ​ഴ്ച ഉ​ത്ത​ര​വ് ഭാ​ഗി​ക​മാ​യി റ​ദ്ദാ​ക്കി ഡി​വി​ഷ​ൻ ബെ​ഞ്ച് ഉ​ത്ത​ര​വ് വ​ന്ന​തോ​ടെ ആ​ഹ്ലാ​ദ പൂ​ത്തി​രി വി​രി​ഞ്ഞു. സിം​ഗി​ൾ ബെ​ഞ്ച് വി​ധി തൃ​ശൂ​ർ പൂ​ര​ത്തെ​യ​ട​ക്കം ബാ​ധി​ക്കു​മെ​ന്ന് ആ​ശ​ങ്ക​യു​ണ്ടാ​യി​രു​ന്നു.

നി​ല​വി​ൽ സു​പ്രീം​കോ​ട​തി​യു​ടെ പ്ര​ത്യേ​ക അ​നു​മ​തി തൃ​ശൂ​ർ പൂ​രം വെ​ടി​ക്കെ​ട്ടി​നു​ണ്ടെ​ങ്കി​ലും ഹൈ​കോ​ട​തി വി​ധി​യു​ടെ സാ​ഹ​ച​ര്യം ഏ​ത് നി​ല​യി​ലാ​വും ബാ​ധി​ക്കു​ക​യെ​ന്ന​ത് വ്യ​ക്ത​ത​യി​ല്ലാ​ത്ത​താ​യി​രു​ന്നു ആ​ശ​ങ്ക​യാ​യ​ത്. എ​ന്നാ​ൽ സിം​ഗി​ൾ ബെ​ഞ്ച് ഉ​ത്ത​ര​വ് തി​രു​ത്തി​യ ഡി​വി​ഷ​ൻ ബെ​ഞ്ച് ഉ​ത്ത​ര​വി​ൽ നേ​രി​യ അ​വ്യ​ക്ത​ത​ക്ക് പോ​ലും ഇ​ട​യി​ല്ലാ​ത്ത വി​ധം തൃ​ശൂ​ർ പൂ​ര​ത്തി​ന് ഉ​ത്ത​ര​വ് ബാ​ധ​ക​മ​ല്ലെ​ന്ന് വ്യ​ക്ത​മാ​ക്കി​യ​തോ​ടെ​യാ​ണ് പൂ​ര​പ്രേ​മി​ക​ൾ​ക്ക് മ​നം ന​റ​ഞ്ഞ​ത്.

സിം​ഗി​ൾ ബെ​ഞ്ച് വി​ധി​ക്കെ​തി​രെ അ​പ്പീ​ൽ ന​ൽ​കാ​ൻ തൃ​ശൂ​ർ പൂ​ര​ത്തി​ന്റെ മു​ഖ്യ പ​ങ്കാ​ളി ക്ഷേ​ത്ര​ങ്ങ​ളാ​യ തി​രു​വ​മ്പാ​ടി-​പാ​റ​മേ​ക്കാ​വ് ക്ഷേ​ത്ര​ങ്ങ​ൾ നി​യ​മ​പ​രി​ശോ​ധ​ന​യി​ലേ​ക്ക് ക​ട​ന്നി​രു​ന്നു.

ഉ​ത്ത​ര​വി​ന് പി​ന്നാ​ലെ സ​ർ​ക്കാ​ർ നേ​രി​ട്ട് അ​പ്പീ​ൽ പോ​കു​മെ​ന്നും ദേ​വ​സ്വം-​ട്ര​സ്റ്റി ബോ​ർ​ഡു​ക​ൾ​ക്ക് അ​പ്പീ​ൽ ന​ൽ​കാ​ൻ സ​ർ​ക്കാ​ർ നി​ർ​ദേ​ശി​ച്ചി​ട്ടു​ണ്ടെ​ന്നും ദേ​വ​സ്വം മ​ന്ത്രി കെ. ​രാ​ധാ​കൃ​ഷ്ണ​ൻ അ​റി​യി​ച്ചു. മ​ന്ത്രി​സ​ഭാ യോ​ഗ​ത്തി​ലും മു​ഖ്യ​മ​ന്ത്രി​യോ​ട് നേ​രി​ട്ടും വി​ഷ​യ​ത്തി​ന്റെ ഗൗ​ര​വം മ​ന്ത്രി ശ്ര​ദ്ധ​യി​ൽ​പ്പെ​ടു​ത്തി. തു​ട​ർ​ന​ട​പ​ടി വേ​ഗ​ത്തി​ലാ​ക്കാ​ൻ മു​ഖ്യ​മ​ന്ത്രി ചീ​ഫ് സെ​ക്ര​ട്ട​റി​യെ ചു​മ​ത​ല​പ്പെ​ടു​ത്തി.

ഒ​രൊ​റ്റ ദി​വ​സം കൊ​ണ്ട് നി​യ​മോ​പ​ദേ​ശം തേ​ടു​ക​യും അ​പ്പീ​ൽ ന​ൽ​കു​ക​യും അ​ടി​യ​ന്ത​ര​മാ​യി ചൊ​വ്വാ​ഴ്ച പ​രി​ഗ​ണി​ക്കു​ക​യു​മാ​യി​രു​ന്നു. ചൊ​വ്വാ​ഴ്ച ഡി​വി​ഷ​ൻ ബെ​ഞ്ച് വി​ധി പു​റ​ത്തു​വ​ന്ന​തി​ന് പി​ന്നാ​ലെ​യും പ്ര​തി​ക​രി​ച്ച മ​ന്ത്രി നി​ല​പാ​ട് കൂ​ടു​ത​ൽ വ്യ​ക്ത​മാ​ക്കി. വെ​ടി​ക്കെ​ട്ടു​ക​ൾ കേ​ര​ള​ത്തി​ൽ പൂ​ർ​ണ​മാ​യി നി​രോ​ധി​ക്കു​ന്ന​ത് പ്രാ​യോ​ഗി​ക​മ​ല്ല. വെ​ടി​ക്കെ​ട്ട് നി​രോ​ധി​ക്കു​ന്ന​ത് സ​ർ​ക്കാ​ർ ന​യ​മ​ല്ലെ​ന്നും സു​ര​ക്ഷി​ത വെ​ടി​ക്കെ​ട്ടി​ന് സൗ​ക​ര്യ​മൊ​രു​ക്കു​ക​യാ​ണ് വേ​ണ്ട​തെ​ന്നും പ​റ​ഞ്ഞു.

തൃ​ശൂ​ർ പൂ​ര​ത്തി​ന് സു​പ്രീം​കോ​ട​തി​യും ഹൈ​കോ​ട​തി ഡി​വി​ഷ​ൻ ബെ​ഞ്ചും അ​നു​വ​ദി​ച്ച പ്ര​ത്യേ​ക ഉ​ത്ത​ര​വു​ക​ളെ പ​രാ​മ​ർ​ശി​ച്ചാ​യി​രു​ന്നു സ​ർ​ക്കാ​റി​ന്റെ അ​പ്പീ​ൽ. 2005ൽ ​ഇ​ള​വ് ന​ൽ​കി​യ സു​പ്രീം​കോ​ട​തി 2006ൽ ​ഇ​തി​ൽ വ്യ​ക്ത​ത വ​രു​ത്തി വീ​ണ്ടും ഉ​ത്ത​ര​വി​റ​ക്കി​യി​രു​ന്ന​തി​ന്റെ പ​ക​ർ​പ്പു​ക​ളും കൈ​മാ​റി​യി​രു​ന്നു.

ന​ഗ​ര​ത്തി​ന് ന​ടു​വി​ൽ വ​ട​ക്കും​നാ​ഥ ക്ഷേ​ത്ര​മൈ​താ​നി​യി​ലാ​ണ് തൃ​ശൂ​ർ പൂ​രം വെ​ടി​ക്കെ​ട്ട് ന​ട​ക്കു​ന്ന​ത്. അ​പ​ക​ട സാ​ഹ​ച​ര്യ​ത്തി​ൽ ജ​ല​സു​ര​ക്ഷാ മാ​ർ​ഗ​ങ്ങ​ള​ട​ക്കം സ​ജ്ജ​മാ​ക്കി​യി​ട്ടു​ള്ള രാ​ജ്യ​ത്തെ ഏ​ക പൂ​രം കൂ​ടി​യാ​ണ് തൃ​ശൂ​ർ പൂ​രം. വി​ധി​യി​ൽ വ്യ​ക്ത​ത വ​രു​ത്തി​യ ഡി​വി​ഷ​ൻ ബെ​ഞ്ച് ഉ​ത്ത​ര​വ് പു​റ​ത്ത് വ​ന്ന​തോ​ടെ പൂ​ര​പ്രേ​മി​ക​ളും ആ​സ്വാ​ദ​ക​രും ഉ​ത്സ​വ സം​ഘാ​ട​ക​രും ആ​ഹ്ലാ​ദ​ത്തി​ലാ​ണ്.