ശ​സ്ത്ര​ക്രി​യ​ക്ക് പ​ക​രം ബ​ലൂ​ൺ മു​ഖേ​ന ഹൃ​ദ​യ​ത്തി​ന്റെ ദ്വാ​ര​മ​ട​ച്ച് വി​ജ​യം കൈ​വ​രി​ച്ച് തൃ​ശൂ​ർ ഗവ. മെ​ഡി​ക്ക​ൽ കോ​ള​ജ് ആ​ശു​പ​ത്രി.ര​ണ്ട​ര ല​ക്ഷം രൂ​പ ചെ​ല​വ് വ​രു​ന്ന ചി​കി​ത്സ ആ​രോ​ഗ്യ ഇ​ൻ​ഷു​റ​ൻ​സ് കാ​ർ​ഡ് വ​ഴി സൗ​ജ​ന്യ​മാ​യാ​ണ് ചെ​യ്ത​ത്.

ശ​സ്ത്ര​ക്രി​യ​ക്ക് പ​ക​രം ബ​ലൂ​ൺ മു​ഖേ​ന ഹൃ​ദ​യ​ത്തി​ന്റെ ദ്വാ​ര​മ​ട​ച്ച് വി​ജ​യം കൈ​വ​രി​ച്ച് തൃ​ശൂ​ർ ഗവ. മെ​ഡി​ക്ക​ൽ കോ​ള​ജ് ആ​ശു​പ​ത്രി. ഹൃ​ദ​യ​ത്തി​ന്റെ പ്ര​വ​ർ​ത്ത​നം നി​ർ​ത്തി​വെ​ച്ച് ഹൃ​ദ​യം തു​റ​ന്നു​ള്ള ശ​സ്ത്ര​ക്രി​യ​യാ​ണ് ചെ​യ്യേ​ണ്ടി​യി​രു​ന്ന​ത്. ഇ​ത് ഒ​ഴി​വാ​ക്കി കാ​ലി​ലെ ര​ക്ത​കു​ഴ​ലി​ലൂ​ടെ പൈ​പ്പ് വ​ഴി ബ​ലൂ​ൺ ഹൃ​ദ​യ​ത്തി​നു​ള്ളി​ലെ​ത്തി​ച്ച് ഹൃ​ദ​യ​ത്തി​ന്റെ ദ്വാ​രം അ​ട​ക്കു​ക​യാ​ണ് ചെ​യ്ത​ത്. തൃ​ശൂ​ർ മെ​ഡി​ക്ക​ൽ കോ​ള​ജി​ൽ ആ​ദ്യ​മാ​യാ​ണ് ഈ ​ശ​സ്ത്ര​ക്രി​യ ന​ട​ത്തി​യ​ത്.

വ​യ​നാ​ട് സ്വ​ദേ​ശി​യാ​യ വി​ന​യ​ൻ (18) മു​ട്ടു​വേ​ദ​ന​യെ തു​ട​ർ​ന്ന് ക​ഴി​ഞ്ഞ ആ​ഗ​സ്റ്റ് 13ന് ​വ​യ​നാ​ട് മൂ​പ്പ​ൻ​സ് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​ക്ക് പോ​യി​രു​ന്നു. ഹൃ​ദ​യ​സം​ബ​ന്ധ​മാ​യ ഒ​രു രോ​ഗ​ല​ക്ഷ​ണ​വും വി​ന​യ​ന് ഉ​ണ്ടാ​യി​രു​ന്നി​ല്ല. ഹൃ​ദ​യ​ത്തി​ൽ ശ​ബ്ദ​വ്യ​തി​യാ​നം കേ​ട്ട​തി​നെ​ത്തു​ട​ർ​ന്ന് പ​രി​ശോ​ധ​ന ന​ട​ത്തി. വാ​ൽ​വി​നാ​ണ് ത​ക​രാ​ർ എ​ന്നാ​യി​രു​ന്നു പ്രാ​ഥ​മി​ക നി​ഗ​മ​നം. തൃ​ശൂ​ർ മെ​ഡി​ക്ക​ൽ കോ​ള​ജ് കാ​ർ​ഡി​യോ​ള​ജി വ​കു​പ്പി​ൽ പ​രി​ശോ​ധ​ന​ക്ക് വ​ന്ന​പ്പോ​ൾ വാ​ൽ​വി​ന​ല്ല ത​ക​രാ​ർ എ​ന്നും ജ​ന്മ​ന ഹൃ​ദ​യ​ത്തി​ൽ ഒ​രു ദ്വാ​രം ഉ​ണ്ടെ​ന്നും മ​ന​സ്സി​ലാ​ക്കി​യ​ത്. ഹൃ​ദ​യ​ത്തി​ന്റെ മു​ക​ളി​ലെ അ​റ​ക​ളാ​യ ഇ​ട​ത്തും വ​ല​ത്തു​മു​ള്ള ആ​ട്രി​യ​യെ വേ​ർ​തി​രി​ക്കു​ന്ന ഭി​ത്തി​യി​ലാ​യി​രു​ന്നു ദ്വാ​രം. ഇ​ത് നെ​ഞ്ച് തു​റ​ന്ന് ശാ​സ്ത്ര​ക്രി​യ ചെ​യ്ത് അ​ട​ക്കാം. അ​ല്ലെ​ങ്കി​ൽ ര​ക്ത​ധ​മ​നി വ​ഴി ക​ത്തീ​റ്റ​ർ ക​ട​ത്തി​യും ദ്വാ​രം അ​ട​ക്കാം. ഡി​വൈ​സ് ക്ലോ​ഷ​ർ എ​ന്നാ​ണ് ഇ​തി​നെ പ​റ​യു​ക. എ.​എ​സ്.​ഡി ദ്വാ​ര​ത്തി​ന്റെ ചു​റ്റു​മു​ള്ള ഭി​ത്തി​ക​ൾ ന​ല്ല ക​ട്ടി​യും ശ​ക്തി​യു​മു​ള്ള​താ​ണെ​ങ്കി​ൽ മാ​ത്ര​മേ എ.​എ​സ്.​ഡി ഡി​വൈ​സ് ഉ​റ​ച്ചി​രി​ക്കു​ക​യു​ള്ളൂ.

വി​ന​യ​ന്റെ ഹൃ​ദ​യ​ത്തി​ന്റെ ദ്വാ​ര​ത്തി​ന്റെ ചു​റ്റു​മു​ള്ള ഭി​ത്തി ക​ട്ടി​കു​റ​ഞ്ഞി​രു​ന്ന​തി​നാ​ൽ ഡി​വൈ​സ് ക്ലോ​ഷ​ർ സാ​ധ്യ​മാ​വി​ല്ലെ​ന്ന് ആ​ദ്യ​മേ ഡോ​ക്ട​ർ​മാ​ർ മ​ന​സ്സി​ലാ​ക്കി. നെ​ഞ്ച് തു​റ​ന്നു​ള്ള ശ​സ്ത്ര​ക്രി​യ നി​ർ​ദേ​ശി​ച്ചെ​ങ്കി​ലും ബ​ന്ധു​ക്ക​ൾ ത​യാ​റാ​യി​രു​ന്നി​ല്ല. തു​ട​ർ​ന്നാ​ണ് ര​ക്ത​ധ​മ​നി വ​ഴി ദ്വാ​രം അ​ട​ക്കാ​ൻ തീ​രു​മാ​നി​ച്ച​ത്. ര​ണ്ടു ത​വ​ണ​ത്തെ ശ്ര​മം പ​രാ​ജ​യ​പ്പെ​ട്ടെ​ങ്കി​ലും മൂ​ന്നാം ത​വ​ണ വി​ജ​യം ക​ണ്ടു.

കാ​ർ​ഡി​യോ​ള​ജി വി​ഭാ​ഗം മേ​ധാ​വി​യാ​യ ഡോ. ​സി.​പി. ക​രു​ണ​ദാ​സി​ന്റെ നേ​തൃ​ത്വ​ത്തി​ൽ ഡോ. ​സി. മു​കു​ന്ദ​ൻ, ഡോ. ​പി. ആ​ന്റ​ണി, അ​ന​സ്തേ​ഷ്യ വി​ഭാ​ഗ​ത്തി​ലെ ഡോ. ​സു​ഷ, ഡോ. ​ശ്യാം, ഡോ. ​ബി​ജി​ലേ​ഷ് എ​ന്നി​വ​ര​ട​ങ്ങു​ന്ന സം​ഘ​മാ​ണ് നേ​തൃ​ത്വം ന​ൽ​കി​യ​ത്. ര​ണ്ടാം ദി​വ​സം രോ​ഗി ഡി​സ്ചാ​ർ​ജ് ആ​യി. ര​ണ്ട​ര ല​ക്ഷം രൂ​പ ചെ​ല​വ് വ​രു​ന്ന ചി​കി​ത്സ ആ​രോ​ഗ്യ ഇ​ൻ​ഷു​റ​ൻ​സ് കാ​ർ​ഡ് വ​ഴി സൗ​ജ​ന്യ​മാ​യാ​ണ് ചെ​യ്ത​ത്.