തൃശ്ശൂരില്‍ ഡിസോണ്‍ കലോത്സവ സംഘർഷത്തിനിടെ കെഎസ്‍യു പ്രവർത്തകരെ ആംബുലൻസില്‍ കയറ്റിവിട്ടതിന്റെ പേരില്‍ തൃശൂർ ചേർപ്പ് ഇൻസ്പെക്ടർ കെ.ഒ.പ്രദീപിനെ സസ്പെൻഡ് ചെയ്തു. ചേരിതിരിഞ്ഞ് എസ്‌എഫ്‌ഐ-കെഎസ്‍യു പ്രവർത്തകർ സംഘർത്തിലേർപ്പെട്ടപ്പോള്‍ അതൊഴിവാക്കാൻ വേണ്ടിയാണ് ആംബുലൻസില്‍ കയറ്റി നേതാക്കളെ മാറ്റിയത്. ഈ ആംബുലൻസ് എസ്‌എഫ്‌ഐക്കാർ പിന്നീട് ആക്രമിച്ചിരുന്നു. പൊലീസ് ജീപ്പില്‍ നിന്ന് ആംബുലൻസിലേക്ക് കെഎസ്‍യു നേതാക്കളെ മാറ്റിയെന്ന പേരിലാണ് ഇൻസ്പെക്ടർക്കെതിരെ നടപടി എടുത്തിരിക്കുന്നത്.
0 അഭിപ്രായങ്ങള്‍