ന്യൂസിലാൻഡിനെതിരായ രണ്ടാം ടി20യിൽ ഏഴ് വിക്കറ്റിന്റെ തകർപ്പൻ വിജയമാണ് ഇന്ത്യ സ്വന്തമാക്കിയത്. കിവീസ് ഉയർത്തിയ 209 റൺസ് എന്ന കൂറ്റൻ വിജയലക്ഷ്യം വെറും 15.2 ഓവറിൽ വെറും മൂന്ന് വിക്കറ്റ് നഷ്ടത്തിൽ ഇന്ത്യ അടിച്ചെടുത്തു. ഇന്ത്യൻ ടി20 ചരിത്രത്തിലെ ഏറ്റവും ഉയർന്ന രണ്ടാമത്തെ വിജയകരമായ റൺ ചേസായി ഇത് മാറി. 28 പന്തുകൾ ബാക്കി നിൽക്കെ ഇന്ത്യ ജയം തൊട്ടത് കിവീസ് പടയെ അക്ഷരാർത്ഥത്തിൽ ഞെട്ടിച്ചിരിക്കുകയാണ്.
മത്സരശേഷം ഇന്ത്യയുടെ ബാറ്റിംഗ് കരുത്തിനെക്കുറിച്ച് ന്യൂസിലാൻഡ് ക്യാപ്റ്റൻ മിച്ചൽ സാന്റ്നർ നടത്തിയ രസകരമായ പ്രതികരണമാണ് ഇപ്പോൾ കായിക ലോകത്ത് ചർച്ചയാകുന്നത്. ഇന്ത്യയ്ക്കെതിരെ 300 റൺസ് നേടിയാൽ പോലും ജയിക്കാൻ മതിയാകില്ലെന്നാണ് സാന്റ്നർ മത്സരശേഷം തമാശയായി പറഞ്ഞത്. മികച്ച ഫോമിൽ ബാറ്റ് ചെയ്യുന്ന ഇന്ത്യയെപ്പോലൊരു ടീമിനെ നേരിടുമ്പോൾ ഉയർന്ന സ്കോർ പടുത്തുയർത്തേണ്ടത് അത്യാവശ്യമാണെന്നും എന്നാൽ അവർ വന്നത് തന്നെ കൃത്യമായ പ്ലാനിംഗോടെയാണെന്നും സാന്റ്നർ കൂട്ടിചേർത്തു.
Also Read: സൂര്യോദയം റായ്പൂരിൽ! ക്യാപ്റ്റന്റെ തകർപ്പൻ തിരിച്ചുവരവ്; ന്യൂസിലൻഡിനെ തകർത്ത് ഇന്ത്യ
ഇന്ത്യൻ ബാറ്റിംഗ് നിരയുടെ ആക്രമണ മനോഭാവം ആദ്യ പന്തിൽ തന്നെ തങ്ങൾക്ക് മനസ്സിലായെന്ന് സാന്റ്നർ പറയുന്നു. 200-210 റൺസ് ഇന്ത്യക്കെതിരെ സുരക്ഷിതമല്ലെന്ന് അറിയാമായിരുന്നിട്ടും അത് പ്രതിരോധിക്കാനുള്ള വഴികളൊന്നും തങ്ങളുടെ പക്കൽ ഉണ്ടായിരുന്നില്ലെന്ന് സാന്റ്നർ ചിരിച്ചുകൊണ്ട് സമ്മതിച്ചു. കൂടുതൽ റൺസ് നേടാൻ തങ്ങൾ കഠിനമായി ശ്രമിക്കേണ്ടിയിരുന്നുവെന്നും അദ്ദേഹം പറഞ്ഞു. ഇന്ത്യൻ താരങ്ങളുടെ അവിശ്വസനീയമായ പ്രകടനം ന്യൂസിലാൻഡ് ക്യാപ്റ്റനെപ്പോലും വിസ്മയിപ്പിച്ചിരിക്കുകയാണ്.
The post ഇന്ത്യയ്ക്കെതിരെ 300 റൺസ് എടുത്താലും ജയിക്കില്ല! വെടിക്കെട്ട് ബാറ്റിംഗിൽ വിറച്ച് ന്യൂസിലാൻഡ് ക്യാപ്റ്റൻ! appeared first on Express Kerala.