ഇഷാൻ കിഷൻ എന്ന പേരിന് മുന്നിൽ ഇനി വിമർശകർക്ക് മൗനം പാലിക്കേണ്ടി വരും. കാരണം റായ്പൂരിലെ ഷഹീദ് വീർ നാരായൺ സിങ് സ്റ്റേഡിയം സാക്ഷ്യം വഹിച്ചത് അത്രമേൽ തീപാറുന്ന ഒരു തിരിച്ചുവരവിനാണ്. ഇന്ത്യൻ ക്രിക്കറ്റിൽ തന്റെ അധ്യായം അവസാനിച്ചുവെന്ന് എഴുതിത്തള്ളിയവർക്ക് മുന്നിൽ, ബാറ്റ് കൊണ്ട് ഇഷാൻ തീർത്തത് ഒരു സംഹാരതാണ്ഡവമായിരുന്നു.
2026 ജനുവരി 23-ലെ ആ രാത്രി ദുഖവെള്ളിയും ഉയിർപ്പും ഒരുപോലെ അനുഭവിപ്പിച്ച ഒന്നായിരുന്നു. തുടക്കത്തിൽ തന്നെ സഞ്ജു സാംസണും അഭിഷേക് ശർമ്മയും മടങ്ങിയതോടെ ഇന്ത്യയുടെ നില പരുങ്ങലിലായെങ്കിലും, പിന്നീട് കണ്ടത് റായ്പൂരിനെ ബൗളർമാരുടെ ശവപ്പറമ്പാക്കി മാറ്റിയ ഇഷാന്റെ അഴിഞ്ഞാട്ടമാണ്. 209 എന്ന കൂറ്റൻ ലക്ഷ്യത്തിലേക്ക് ബാറ്റ് വീശിയ ഇഷാൻ നേരിട്ട ആദ്യ 30 പന്തിൽ 15 എണ്ണവും അതിർത്തി കടന്നു എന്നറിയുമ്പോഴാണ് ആ ഇന്നിങ്സിന്റെ ഭീകരത വ്യക്തമാകുന്നത്.
Also Read: സഞ്ജു സമ്മർദ്ദത്തിൽ, ഇഷാൻ കിഷൻ സുരക്ഷിതൻ! തിലക് വർമ്മ വന്നാൽ സഞ്ജു പുറത്താകുമെന്ന് ഉറപ്പായോ?
എട്ടാം ഓവർ പൂർത്തിയാകുമ്പോൾ 75 റൺസുമായി നിൽക്കുന്ന ഇഷാന്റെ സ്കോർബോർഡിൽ 11 ഫോറുകളും 4 സിക്സറുകളും തിളങ്ങി നിന്നു. സാക്ക് ഫോക്സിനെതിരെ ഒരു ഓവറിൽ നേടിയ 24 റൺസാണ് കളിയിലെ വഴിത്തിരിവായത്. പേസർമാരെന്നോ സ്പിന്നർമാരെന്നോ വ്യത്യാസമില്ലാതെ കിവി ബൗളർമാരെ ഗ്യാലറിയിലേക്ക് പറത്തിയ ഇഷാൻ, വെറും 21 പന്തിലാണ് തന്റെ അർദ്ധ സെഞ്ച്വറി തികച്ചത്. ഇഷ് സോധിയുടെ തന്ത്രങ്ങളെ റിവേഴ്സ് സ്വീപ്പിലൂടെയും ഫ്ലാറ്റ് സിക്സറുകളിലൂടെയും തകർത്ത ഇഷാൻ, താൻ പഴയതിലും കരുത്തനready തിരിച്ചെത്തിയിരിക്കുന്നു എന്ന കൃത്യമായ സന്ദേശമാണ് നൽകിയത്.
The post എഴുതിത്തള്ളിയവർക്ക് ബാറ്റ് കൊണ്ട് മറുപടി! 21 പന്തിൽ ഫിഫ്റ്റി, 15 ബൗണ്ടറികൾ; ന്യൂസിലൻഡിനെ ശ്വാസം മുട്ടിച്ച് ഇഷാൻ കിഷൻ appeared first on Express Kerala.