അമ്പലപ്പുഴ: കേരള സംസ്ഥാന രൂപീകരണത്തിന് ശേഷം ജനകീയ നേതാവ് വി.എസ്. അച്യുതാനന്ദന്റെ സാന്നിധ്യമില്ലാതെ ഒരു നിയമസഭാ തിരഞ്ഞെടുപ്പിന് സംസ്ഥാനം സാക്ഷ്യം വഹിക്കുന്നു. പതിറ്റാണ്ടുകളായി കേരള രാഷ്ട്രീയത്തിലെ വറ്റാത്ത ആവേശമായിരുന്ന വിഎസിന്റെ വിയോഗത്തിന് ശേഷമുള്ള ആദ്യ പൊതുതിരഞ്ഞെടുപ്പാണിത്. 2025 ജൂലൈ 21-നായിരുന്നു വിഎസ് ഓർമയായത്. മുൻകാലങ്ങളിൽ എല്ലാ തിരഞ്ഞെടുപ്പുകളിലും പറവൂരിലെ വേലിക്കകത്ത് വീട്ടിൽ നിന്ന് പറവൂർ ഗവ. ഹയർ സെക്കൻഡറി സ്കൂളിലെത്തി വോട്ട് ചെയ്യുന്നത് അദ്ദേഹം പതിവാക്കിയിരുന്നു.
Also Read: കേരളം ജനവിധി തേടുന്നു; 140 മണ്ഡലങ്ങളിൽ വോട്ടെടുപ്പ് ആരംഭിച്ചു
2019-ൽ രോഗബാധിതനായതിനെത്തുടർന്ന് അദ്ദേഹത്തിന് അവസാന കാലത്തെ തിരഞ്ഞെടുപ്പുകളിൽ വോട്ട് ചെയ്യാൻ നേരിട്ടെത്താൻ സാധിച്ചിരുന്നില്ല. എങ്കിലും അദ്ദേഹത്തിന്റെ കുടുംബാംഗങ്ങൾ എല്ലാ തവണയും പറവൂരിലെത്തി സമ്മതിദാനാവകാശം വിനിയോഗിക്കാറുണ്ട്. കേരളത്തിന്റെ തിരഞ്ഞെടുപ്പ് ചരിത്രത്തിൽ വിഎസ് എന്ന വിപ്ലവ സൂര്യന്റെ അസാന്നിധ്യം വലിയൊരു ശൂന്യതയാണ് ഇത്തവണ സൃഷ്ടിച്ചിരിക്കുന്നത്. എങ്കിലും വിപ്ലവസ്മരണകൾ ഇരമ്പുന്ന മണ്ണിൽ പോളിങ് പുരോഗമിക്കുമ്പോൾ അത് ചരിത്രപരമായ മറ്റൊരു അധ്യായമായി മാറുകയാണ്.
The post വിഎസ് ഇല്ലാത്ത ആദ്യ നിയമസഭാ തിരഞ്ഞെടുപ്പ്; ചരിത്ര നിയോഗവുമായി കേരളം പോളിങ് ബൂത്തിൽ appeared first on Express Kerala.
