ഡൽഹി: ഡൽഹി രാംലീല മൈതാനത്തിന് സമീപമുള്ള പള്ളിക്ക് അടുത്തുള്ള അനധികൃത കയ്യേറ്റങ്ങൾ നീക്കം ചെയ്യുന്നതിനിടെ വ്യാപക സംഘർഷം. പ്രതിഷേധക്കാർ പൊലീസിന് നേരെ കല്ലെറിഞ്ഞതിനെത്തുടർന്ന് അഞ്ച് പൊലീസ് ഉദ്യോഗസ്ഥർക്ക് പരിക്കേറ്റു. കയ്യേറ്റം ഒഴിപ്പിക്കാൻ ഉദ്യോഗസ്ഥർ എത്തിയപ്പോൾ ഒരു വിഭാഗം ആളുകൾ സംഘടിക്കുകയും നടപടി തടയാൻ ശ്രമിക്കുകയുമായിരുന്നു. സ്ഥിതിഗതികൾ നിയന്ത്രിക്കാൻ കൂടുതൽ സേനയെ പ്രദേശത്ത് വിന്യസിച്ചിട്ടുണ്ട്.
ഡൽഹി ഹൈക്കോടതി ഉത്തരവിനെത്തുടർന്ന് ബുധനാഴ്ച പുലർച്ചെ മുനിസിപ്പൽ അധികൃതർ നടപടി തുടങ്ങിയപ്പോഴാണ് ഒരു വിഭാഗം ആളുകൾ പൊലീസിനെതിരെ തിരിഞ്ഞത്. പള്ളിയുടെ ഉടമസ്ഥതയിലുള്ള ഭൂമിയിലെ അനധികൃത കെട്ടിടങ്ങൾ ബുൾഡോസർ ഉപയോഗിച്ച് നീക്കം ചെയ്യുന്നതിനിടെയാണ് അക്രമമുണ്ടായത്. ഉദ്യോഗസ്ഥരെ തടയാൻ ശ്രമിച്ച ഒരു കൂട്ടം ആളുകൾ പൊലീസിന് നേരെ കല്ലെറിയുകയായിരുന്നു. നിലവിൽ സ്ഥിതിഗതികൾ നിയന്ത്രണവിധേയമാണെന്നും പൊലീസിനെ ആക്രമിച്ചവർക്കെതിരെ കർശന നിയമനടപടി സ്വീകരിക്കുമെന്നും അധികൃതർ വ്യക്തമാക്കി.
The post ഡൽഹിയിൽ പള്ളിയുടെ കയ്യേറ്റഭൂമി ഒഴിപ്പിക്കുന്നതിനിടെ സംഘർഷം; പൊലീസിന് നേരെ കല്ലേറ് appeared first on Express Kerala.
