തമിഴകത്ത് മാത്രമല്ല, കേരളത്തിലും വൻ ആരാധക പിന്തുണയുള്ള താരമാണ് വിജയ്. അതുകൊണ്ടുതന്നെ അദ്ദേഹത്തെ നായകനാക്കി ഒരുങ്ങുന്ന പുതിയ ചിത്രം ജനനായകൻ മലയാളി പ്രേക്ഷകരും ഏറെ പ്രതീക്ഷയോടെ കാത്തിരിക്കുകയാണ്. ചിത്രത്തിൽ മലയാളത്തിന്റെ പ്രിയ നടി മമിത ബൈജു നിർണായക വേഷത്തിലാണ് എത്തുന്നത്. റിപ്പോർട്ടുകൾ പ്രകാരം, മമിതയ്ക്ക് ചിത്രത്തിൽ 60 ലക്ഷം രൂപ പ്രതിഫലം ലഭിക്കും.
ജനനായകൻ 380 കോടി രൂപ ബജറ്റിലാണ് ഒരുങ്ങുന്നത്. ദളപതി വിജയിക്ക് 220 കോടി രൂപ പ്രതിഫലം നൽകുന്നുവെന്നാണ് തമിഴ് മാധ്യമങ്ങൾ റിപ്പോർട്ട് ചെയ്യുന്നത്. സംവിധായകൻ എച്ച് വിനോദ് 25 കോടി രൂപ വാങ്ങുമ്പോൾ, സംഗീത സംവിധായകൻ അനിരുദ്ധ് രവിചന്ദറിന് 13 കോടി പ്രതിഫലമുണ്ട്. നായിക പൂജ ഹെഗ്ഡെയ്ക്കും പ്രധാന കഥാപാത്രങ്ങളിൽ ഒരാളെ അവതരിപ്പിക്കുന്ന ബോബി ഡിയോളിനും 3 കോടി വീതമാണ് പ്രതിഫലം.
Also Read: ‘അങ്ങനെയൊന്നുമില്ല, ഞാൻ കാർത്തിക് ആര്യന്റെ കാമുകിയല്ല’; ഗോസിപ്പുകൾക്ക് മറുപടിയുമായി 17-കാരി
ചിത്രത്തിലെ മറ്റ് പ്രധാന വേഷങ്ങളിൽ പ്രകാശ് രാജ്, ഗൗതം വാസുദേവ് മേനോൻ, നരേൻ, പ്രിയാമണി എന്നിവരും ഉൾപ്പെടുന്ന വമ്പൻ താരനിരയുണ്ട്. ഗുണമേന്മയുള്ള സിനിമകൾ നിർമിക്കുന്നതിന് പേരുകേട്ട വെങ്കട്ട് കെ നാരായണയാണ് കെ വി എൻ പ്രൊഡക്ഷന്റെ ബാനറിൽ ചിത്രം നിർമ്മിക്കുന്നത്.
മറ്റൊരു ശ്രദ്ധേയ അപ്ഡേറ്റായി, വിജയിയുടെ പ്രിയപ്പെട്ട സംവിധായകരായ ലോകേഷ് കനകരാജ്, അറ്റ്ലി, നെൽസൺ എന്നിവർ ചിത്രത്തിലെ ഒരു ഗാനരംഗത്തിൽ പ്രത്യക്ഷപ്പെടുമെന്ന വിവരവും പുറത്തുവന്നിട്ടുണ്ട്. ജനുവരി 9നാണ് ചിത്രത്തിന്റെ റിലീസ്.
സാങ്കേതിക സംഘത്തിൽ ഛായാഗ്രഹണം സത്യൻ സൂര്യൻ, ആക്ഷൻ അനിൽ അരശ്, ആർട്ട് വി. സെൽവകുമാർ, കൊറിയോഗ്രാഫി ശേഖർ സുധൻ, ലിറിക്സ് അറിവ്, കോസ്റ്റ്യൂം പല്ലവി സിംഗ്, പബ്ലിസിറ്റി ഡിസൈനർ ഗോപി പ്രസന്ന, മേക്കപ്പ് നാഗരാജ, പ്രൊഡക്ഷൻ കൺട്രോളർ വീര ശങ്കർ, പി.ആർ.ഓയും മാർക്കറ്റിംഗ് കൺസൾട്ടന്റുമായ പ്രതീഷ് ശേഖർ എന്നിവരാണ്.
ജനനായകൻ വിജയിക്ക് 1000 കോടി ക്ലബ്ബ് തികയ്ക്കുന്ന സിനിമയാകുമോ എന്ന ആകാംക്ഷയിലാണ് ആരാധകർ. എല്ലാ ഇമോഷണൽ തലങ്ങളെയും സ്പർശിക്കുന്ന രീതിയിലാണ് ചിത്രം ഒരുക്കുന്നതെന്ന വിലയിരുത്തലും ശക്തമാണ്. രാഷ്ട്രീയ രംഗത്തേക്ക് സജീവമായി കടക്കുന്നതിനാൽ സിനിമകളിൽ നിന്ന് പിന്മാറാനൊരുങ്ങുന്ന വിജയിയുടെ അവസാനഘട്ട ചിത്രങ്ങളിൽ ഒന്നായി ജനനായകൻ മാറുമെന്ന പ്രതീക്ഷയും നിലനിൽക്കുന്നു.
അവസാനം വിജയ് നായകനായി റിലീസ് ചെയ്ത ദ ഗോട്ട് വൻ വിജയമായിരുന്നു. വെങ്കട് പ്രഭു സംവിധാനം ചെയ്ത ചിത്രം ആഗോളതലത്തിൽ 456 കോടി രൂപയ്ക്ക് മുകളിലായിരുന്നു കളക്ഷൻ നേടിയതെന്നാണ് റിപ്പോർട്ടുകൾ
The post ഒരു സിനിമ, മൂന്ന് പ്രതിഫലങ്ങൾ; വിജയ് ₹220 കോടി, സംവിധായകൻ ₹25 കോടി, മമിതയ്ക്ക് എത്ര? appeared first on Express Kerala.
