യുക്രൈൻ തലസ്ഥാനമായ കിവിൽ നടന്ന ഷെല്ലാക്രമണത്തിൽ ഖത്തർ എംബസി കെട്ടിടത്തിന് കാര്യമായ നാശനഷ്ടങ്ങൾ സംഭവിച്ചതായി ഖത്തർ വിദേശകാര്യ മന്ത്രാലയം സ്ഥിരീകരിച്ചു. ഭാഗ്യവശാൽ, എംബസിയിലെ നയതന്ത്രജ്ഞരോ ജീവനക്കാരോ പരിക്കേൽക്കാതെ അത്ഭുതകരമായി രക്ഷപ്പെട്ടു. സിവിൽ സ്ഥാപനങ്ങളെയും നയതന്ത്ര കേന്ദ്രങ്ങളെയും ലക്ഷ്യം വെക്കുന്നത് അംഗീകരിക്കാനാവില്ലെന്ന് ഖത്തർ വ്യക്തമാക്കി.
സംഭവത്തിൽ സൗദി അറേബ്യയും ഗൾഫ് സഹകരണ കൗൺസിലും (ജി.സി.സി) ശക്തമായ പ്രതിഷേധവും ആശങ്കയും രേഖപ്പെടുത്തി.
നയതന്ത്ര കാര്യാലയങ്ങൾക്ക് പൂർണ്ണ സംരക്ഷണം നൽകണമെന്ന വിയന്ന കൺവെൻഷൻ ചട്ടങ്ങൾ കാറ്റിൽ പറത്തപ്പെട്ടതിനെ സൗദി വിദേശകാര്യ മന്ത്രാലയം അപലപിച്ചു. സായുധ സംഘട്ടനങ്ങളിൽ നിന്ന് അന്താരാഷ്ട്ര നയതന്ത്ര മിഷനുകളെ മാറ്റിനിർത്തണമെന്ന് ജി.സി.സി സെക്രട്ടറി ജനറൽ ജാസിം അൽബുദൈവി ആവശ്യപ്പെട്ടു. സമാധാനപരമായ ചർച്ചകളിലൂടെ പ്രശ്നപരിഹാരം കണ്ടെത്തണമെന്ന നിലപാടിൽ സൗദിയും ഖത്തറും ഉറച്ചുനിൽക്കുകയാണ്.
The post യുക്രൈനിലെ ഖത്തർ എംബസിക്ക് നേരെ ഷെല്ലാക്രമണം; പ്രത്യാഘാതം കടുക്കുമെന്ന് സൗദിയും ജി.സി.സി.യും appeared first on Express Kerala.
