സിക്കിമില്‍ മണ്ണിടിച്ചില്‍; വീടുകള്‍ക്ക് കേടുപാട്, നിരവധിയിടങ്ങളില്‍ ഗതാഗതം തടസപ്പെട്ടു

റിംബി: സിക്കിമില്‍ മണ്ണിടിച്ചില്‍. പടിഞ്ഞാറന്‍ സിക്കിമിലെ ഗ്രാമമായ റിംബിയിലാണ് ശനിയാഴ്ച വൈകീട്ടോടെ മണ്ണിടിച്ചിലുണ്ടായത്.

രണ്ട് വീടുകള്‍ തകര്‍ന്നതായും റോഡ് ഗതാഗതം തടസപ്പെടുന്നതായും റിപ്പോര്‍ട്ടുകളുണ്ട്.

 പ്രദേശത്ത് വലിയ പാറകള്‍ വീണുകിടക്കുന്നതാണ് ഗതാഗതം തടസപ്പെടാന്‍ കാരണം. ആളപായമില്ല.

സിക്കിമില്‍ കനത്ത മഴ തുടരുന്നതാണ് ആശങ്കയുണ്ടാക്കുന്നത്.

യുക്സോം-താഷിഡിംഗ് മേഖലയില്‍ റിംബിയെയും ഖേചുപെരിയെയും ബന്ധിപ്പിക്കുന്ന റോഡ് ഗതാഗതം പൂര്‍ണമായി തടസപ്പെട്ടിട്ടുണ്ട്.

 റോഡിനിരുവശത്തുമുള്ള ദുര്‍ബല പ്രദേശങ്ങളില്‍ വീണ്ടും മണ്ണിടിച്ചിലുണ്ടായേക്കാമെന്നും മഴയ്ക്ക് ശമനമില്ലെന്നുമാണ് നാട്ടുകാര്‍ പറയുന്നത്.

 കഴിഞ്ഞ കുറച്ച് ദിവസങ്ങളായി നില്‍ക്കാതെ പെയ്യുന്ന മഴയാണ് മണ്ണിടിച്ചിലിന് കാരണമായതെന്ന് അധികൃതര്‍ പറഞ്ഞു.