‘വിപുലീകൃത സംസ്ഥാന കമ്മിറ്റിയെക്കുറിച്ച് തെറ്റായ പ്രചാരണങ്ങളാണ് നടക്കുന്നത്, മാർഗരേഖ അവതരണം പൂർത്തിയായി, പോരായ്മകൾ തിരുത്തും’: MV ഗോവിന്ദൻ | MV Govindan

കോഴിക്കോട്: തെരഞ്ഞെടുപ്പ് തോൽവിക്ക് കാരണമായ സംഘടനാപരമായ പോരായ്മകളും തെറ്റായ പ്രവണതകളും തിരുത്തി പാർട്ടി മുന്നോട്ടുപോകുമെന്ന് സി.പി.എം സംസ്ഥാന സെക്രട്ടറി എം.വി. ഗോവിന്ദൻ. കോഴിക്കോട്ട് ചേർന്ന സി.പി.എം വിപുലീകൃത സംസ്ഥാന സമിതി യോഗ തീരുമാനങ്ങൾ വിശദീകരിച്ച് വാർത്താസമ്മേളനത്തിൽ സംസാരിക്കുകയായിരുന്നു അദ്ദേഹം.(MV Govindan detailed the decisions of the extended CPM State Committee meeting)

കേരളത്തിൽ ഇടതുപക്ഷത്തെ ദുർബലപ്പെടുത്തി വലതുപക്ഷ-വർഗീയ ശക്തികൾക്ക് മേൽക്കൈ ഉണ്ടാക്കാനാണ് ശ്രമം നടക്കുന്നത്. ബി.ജെ.പി മൂന്ന് മണ്ഡലങ്ങളിൽ ജയിച്ച് കേരള രാഷ്ട്രീയത്തിൽ പിടിമുറുക്കാൻ ശ്രമിക്കുന്നത് ഗൗരവത്തോടെയാണ് കാണുന്നത്. ഭൂരിപക്ഷ-ന്യൂനപക്ഷ വർഗീയതകളെ ഒരുപോലെ നേരിടാൻ പ്രത്യയശാസ്ത്രപരമായ കരുത്ത് പാർട്ടി ആർജ്ജിക്കുമെന്നും അദ്ദേഹം വ്യക്തമാക്കി.

തിരുത്തൽ നടപടികൾ കൃത്യമായി നടപ്പാക്കുന്നുണ്ടോ എന്ന് ഓരോ മൂന്നു മാസം കൂടുമ്പോഴും പരിശോധിക്കും. പ്രാദേശിക തലത്തിലുണ്ടാകുന്ന പരാതികൾ പരിഹരിക്കാൻ സംസ്ഥാന നേതൃത്വം നേരിട്ട് ഇടപെടും. പിണറായി വിജയനെതിരെ ഇ.ഡി നടത്തുന്ന നീക്കങ്ങളും മാധ്യമ പ്രചാരണങ്ങളും പാർട്ടിക്കെതിരെയുള്ള കടന്നാക്രമണമാണെന്ന് എല്ലാവർക്കും ബോധ്യമുള്ളതിനാൽ അതിൽ പ്രത്യേക പ്രമേയത്തിന്റെ ആവശ്യകതയില്ലെന്നും അദ്ദേഹം കൂട്ടിച്ചേർത്തു.

Story Summary

CPM State Secretary MV Govindan detailed the decisions of the extended CPM State Committee meeting held in Kozhikode, emphasizing organizational corrections, strengthening party education, and countering the rise of BJP and communal forces in Kerala.