ഓപ്പറേഷൻ സിന്ദൂർ: 314 കിലോമീറ്റർ അകലെ പാക് വിമാനം തകർത്തതായി റിപ്പോർട്ട്; S-400ന്റെ ദീർഘദൂര ശേഷി നിർണായകമെന്ന് പ്രതിരോധ മന്ത്രാലയം | Defence Ministry Operation Sindoor report

ന്യൂഡൽഹി: ഓപ്പറേഷൻ സിന്ദൂറിനിടെ പാകിസ്ഥാൻ വിമാനത്തെ 314 കിലോമീറ്റർ അകലെവെച്ച് തകർത്തതായി പ്രതിരോധ മന്ത്രാലയത്തിന്റെ റിപ്പോർട്ടിൽ പരാമർശം. ആക്രമണത്തിന് ഇന്ത്യയുടെ S-400 വ്യോമപ്രതിരോധ സംവിധാനമാണ് ഉപയോഗിച്ചതെന്നാണ് റിപ്പോർട്ടിലെ വിശദീകരണം (Defence Ministry Operation Sindoor report). ഇത്രയും ദൂരെയുള്ള ലക്ഷ്യത്തെ തകർക്കാൻ കഴിഞ്ഞത് S-400ന്റെ ദീർഘദൂര പ്രഹരശേഷിയുടെ നിർണായക തെളിവാണെന്നാണ് പ്രതിരോധ മന്ത്രാലയം വിലയിരുത്തുന്നത്. ഓപ്പറേഷൻ സിന്ദൂറിൽ S-400 വ്യോമപ്രതിരോധ സംവിധാനത്തിന് പ്രധാന പങ്കുണ്ടായിരുന്നുവെന്നും റിപ്പോർട്ടിൽ പറയുന്നു.

പാകിസ്ഥാനിൽ നിന്നുണ്ടായ വ്യോമാക്രമണ ശ്രമങ്ങളെ ഫലപ്രദമായി നേരിടുന്നതിലൂടെ ഇന്ത്യൻ വ്യോമപ്രതിരോധ സംവിധാനത്തിന്റെ ശേഷി പ്രകടമായെന്നും പ്രതിരോധ മന്ത്രാലയം ചൂണ്ടിക്കാട്ടി. ഓപ്പറേഷൻ സിന്ദൂറിനിടെ ദീർഘദൂര വ്യോമഭീഷണികൾ നേരിടുന്നതിൽ S-400 നിർണായകമായിരുന്നുവെന്നാണ് റിപ്പോർട്ടിലെ വിലയിരുത്തൽ.

Summary: A Defence Ministry report reportedly states that a Pakistani aircraft was destroyed at a distance of 314 km during Operation Sindoor. The report highlights the role of India’s S-400 air defence system and its long-range strike capability.