സര്‍വകലാശാലകളില്‍ ജീവനക്കാരുടെ വിന്യാസം ഉടച്ചു വാര്‍ത്തു സംസ്ഥാന സര്‍ക്കാര്‍. എം.ജിയിലും കേരളയിലും പരീക്ഷാ കണ്‍ട്രോളര്‍മാരുടെ ഡപ്യൂട്ടേഷന്‍ വ്യവസ്ഥ റദ്ദു ചെയ്തു. സര്‍ക്കാര്‍ നടപടിയില്‍ പ്രതിഷേധവുമായി ഇടതു സംഘടനകള്‍.
Current: മലയാളം
കോട്ടയം: സര്‍വകലാശാലകളില്‍ ജീവനക്കാരുടെ വിന്യാസം ഉടച്ചു വാര്‍ത്തു സംസ്ഥാന സര്‍ക്കാര്‍. എം.ജി സര്‍വകലാശാലയിലെ പരീക്ഷാ കണ്‍ട്രോളര്‍ ഡോ. സി.എം ശ്രീജിത്തിന്റെ ഡപ്യൂട്ടേഷന്‍ വ്യവസ്ഥ റദ്ദു ചെയ്തു മാതൃ വകുപ്പിലേക്കു തിരിച്ചയ്ക്കാന്‍ ഉത്തരവിറക്കി.
2020 ഫെബ്രുവരി മാസം പരീക്ഷാ കണ്‍ട്രോളറായി ചുമതല ഏറ്റത്ത്. 18 മാസം കൂടി കാലാവധി ശേഷിക്കെയാണു ഡപ്യൂട്ടേഷന്‍ വ്യവസ്ഥ റദ്ദു ചെയ്തത്. കഴിഞ്ഞ ദിവസങ്ങളില്‍ കണ്ണൂര്‍ യൂണിവേഴ്സിറ്റി രജിസ്ട്രാര്‍ ഡോ ജോബിന്‍ കെ ജോസിനെ സര്‍വകലാശാല സിന്‍ഡിക്കേറ്റ് പുറത്താക്കിയിരുന്നു.
കൂടാതെ കുസാറ്റിലെ രജിസ്ട്രാര്‍ ഡോ എ.യു അരുണിന്റെയും, കേരള സര്‍വകലാശാല പരീക്ഷാ കണ്‍ട്രോളര്‍ ഡോ എന്‍. ഗോപകുമാറിന്റെയും ഡപ്യൂട്ടേഷന്‍ കാലാവധി അവസാനിപ്പിച്ചു സര്‍ക്കാര്‍ ഉത്തരവിറിക്കിയിരുന്നു.
യു.ഡി.എഫ് സര്‍ക്കാര്‍ അധികാരത്തില്‍ വന്ന ഘട്ടത്തില്‍ തന്നെ ബ്രാഞ്ച് ഓഫീസര്‍മാര്‍ രാജിവെക്കണമെന്ന് ആവശ്യപ്പെട്ട് സര്‍വകലാശാലകളിലെ കോണ്‍ഗ്രസ് അനുകൂല സംഘടനയായ ഫെഡറേഷന്‍ ഓഫ് ഓള്‍ കേരള യൂണിവേഴ്സിറ്റി എംപ്ലോയീസ് ഓര്‍ഗനൈസേഷന്‍ രംഗത്ത് വന്നിരുന്നു.
ഇതിന്റെ ചുവട് പിടിച്ചു യു.ഡി.എഫ് സര്‍ക്കാര്‍ പല സര്‍വകലാശാലകളിലും ബ്രാഞ്ച് ഓഫീസര്‍മാരെ നീക്കം ചെയ്തത് എന്നും ഇടത് സംഘടനകള്‍ ആക്ഷേപം ഉന്നയിക്കുന്നുണ്ട്.
രാഷ്ട്രീയ പകപോക്കലിന്റെ ഭാഗമായി സര്‍ക്കാര്‍ ഇത്തരത്തില്‍ ഉള്ള നിലപാട് സ്വീകരിച്ചന്നൊണ് ഇടതു സംഘടനകളുടെ ആക്ഷേപം. ഉന്നത വിദ്യാഭ്യാസ മേഖലയില്‍ കഴിഞ്ഞ കാലങ്ങളില്‍ കൈവരിച്ച നേട്ടങ്ങള്‍ ഇല്ലാതാക്കി 10 വര്‍ഷം മുന്‍പുള്ള ഇരുണ്ട കാലത്തേക്കു തിരികെ കൊണ്ട് പോകാനുള്ള ശ്രമമാണോയെന്നു സംശയിക്കുന്നതായി എം.ജി യൂണിവേഴ്സിറ്റി എംപ്ലോയീസ് അസോസിയേഷനും ആരോപിക്കുന്നു.
