ഭക്ഷണം തൊണ്ടയിൽ കുടുങ്ങി; ബഡ്സ് സ്കൂൾ വിദ്യാർഥി മരിച്ചു | Kasaragod News

കാസർകോട്: ഭക്ഷണം തൊണ്ടയിൽ കുടുങ്ങി ശ്വാസതടസ്സമുണ്ടായതിനെ തുടർന്ന് ഒമ്പതുവയസുകാരൻ മരിച്ചു (Kasaragod News). കുണ്ടംകുഴി സ്വദേശി സിദ്ദിഖ് സഖാഫിയുടെയും റൗഷാനയുടെയും മകൻ ഇബ്രാഹിം ബാത്തിഷയാണ് മരിച്ചത്.

ഞായറാഴ്ച രാത്രി എട്ടോടെ വീട്ടിൽ ഭക്ഷണം കഴിക്കുന്നതിനിടെയാണ് ഭക്ഷണം തൊണ്ടയിൽ കുടുങ്ങി കുട്ടിക്ക് ശ്വാസതടസ്സമുണ്ടായത്. സംഭവം ശ്രദ്ധയിൽപ്പെട്ട വീട്ടുകാർ ഉടൻ തന്നെ കുട്ടിയെ ചെങ്ങളയിലെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

പാണ്ഡിക്കണ്ടം ബഡ്സ് സ്കൂളിലെ വിദ്യാർഥിയായിരുന്നു ഇബ്രാഹിം ബാത്തിഷ. മൃതദേഹം കബറടക്കി.

സഹോദരങ്ങൾ: മുബീന, മുഫീദ.

Story Summary:
A nine-year-old student from Kundamkuzhi in Kasaragod died after food became lodged in his throat while he was eating at home. His family rushed him to a hospital in Chengala, but he could not be saved.