ജന്തർ മന്തർ ആക്രമണ കേസ്: ‘ഇൻഫ്ലുവൻസർ’ സ്വതന്ത്ര ഭരദ്വാജിന് ഇടക്കാല ജാമ്യം | Swatantra Bhardwaj

ന്യൂഡൽഹി: ജന്തർ മന്തറിൽ വിദ്യാർത്ഥി പ്രക്ഷോഭകന്റെ പിതാവിനെ ആക്രമിച്ച കേസിൽ അറസ്റ്റിലായ ഇൻഫ്ലുവൻസർ സ്വതന്ത്ര ഭരദ്വാജിന് ഡൽഹി കോടതി മൂന്ന് ആഴ്ചത്തെ ഇടക്കാല ജാമ്യം അനുവദിച്ചു. ജൂലൈയിൽ ജന്തർ മന്തറിൽ വെച്ചുണ്ടായ സംഘർഷത്തിനിടെ ഘാസിയാബാദ് സ്വദേശിയായ വ്യക്തിക്ക് തലയ്ക്ക് ഗുരുതരമായി പരിക്കേറ്റിരുന്നു. ഈ ആക്രമണം താനാണ് നടത്തിയതെന്ന് പ്രകോപനപരമായ വീഡിയോ സന്ദേശത്തിലൂടെ ഇയാൾ പരസ്യമായി അവകാശപ്പെട്ടിരുന്നു.(Swatantra Bhardwaj Granted Interim Bail In Jantar Mantar Assault Case)

താനൊരു ‘കട്ടർ ഹിന്ദു’വാണെന്ന് സ്വയം വിശേഷിപ്പിക്കുന്ന ഭരദ്വാജ്, ആക്രമണത്തിൽ ഇരയായ വ്യക്തിയുടെ തലയോട്ടി തകർത്തുവെന്നും തലയിൽ 60 തുന്നലുകളുണ്ടെന്നും വീഡിയോ പോഡ്‌കാസ്റ്റിൽ അവകാശപ്പെട്ടിരുന്നു. ഒരു രാഷ്ട്രീയ നേതാവിന്റെ ഇടപെടൽ മൂലമാണ് പോലീസ് കേസിൽ നിന്ന് താൻ രക്ഷപ്പെട്ടതെന്നും, തന്റെ പേരിൽ വധശ്രമത്തിന് (IPC 307) കേസെടുക്കേണ്ടതായിരുന്നുവെന്നും ഇയാൾ വീഡിയോയിൽ വീമ്പുപറഞ്ഞിരുന്നു.

വീഡിയോ വൈറലായതിന് പിന്നാലെ കോക്ക്റോച്ച് ജനതാ പാർട്ടി (CJP) പാർലമെന്റ് സ്ട്രീറ്റ് പോലീസ് സ്റ്റേഷനിലേക്ക് മാർച്ച് നടത്തുകയും വധശ്രമമടക്കം ചുമത്തി കേസെടുക്കണമെന്ന് ആവശ്യപ്പെടുകയും ചെയ്തിരുന്നു. തുടർന്നാണ് സെപ്റ്റംബർ ആദ്യവാരം ഡൽഹി പോലീസ് ഇയാളെ അറസ്റ്റ് ചെയ്തത്.

Story Summary

Self-styled right-wing influencer Swatantra Bhardwaj was granted three-week interim bail by a Delhi court in the CJP protester assault case. Bhardwaj was arrested by Delhi Police after a video surfaced where he boasted about assaulting the father of a student protester at Jantar Mantar and evading arrest through political influence.