കാനഡ തങ്ങൾ ഭരിക്കുമെന്ന് ലോറൻസ് ബിഷ്ണോയ് സംഘം; കനേഡിയൻ പൊലീസിന് അയച്ച ഭീഷണിക്കത്തിന്റെ പകർപ്പ് പുറത്ത്
Current: മലയാളം
ടൊറാന്റോ: കനേഡിയൻ ഭരണകൂടത്തെ ലക്ഷ്യമിട്ട് അധോലോക സംഘ നേതാവ് ലോറൻസ് ബിഷ്‌ണോയിയുടെ സംഘം പൊലീസിന് അയച്ചതായി പറയപ്പെടുന്ന ഭീഷണിക്കത്തിന്റെ പകർപ്പ് പുറത്തായി.കാനഡയിലെ പ്രതിരോധ മന്ത്രി, സൈന്യം, പൊലീസ് എന്നിവരെ ലക്ഷ്യമിട്ടാണ് ഈ ഭീഷണിക്കത്ത് അയച്ചിരിക്കുന്നത്.
കഴിഞ്ഞ വർഷം കാനഡയിലെ അധികൃതർക്ക് അയച്ച കത്തിൽ കാനഡയിൽ തങ്ങൾക്ക് 5,000-ത്തിലധികം ഗ്യാങ് അംഗങ്ങളുണ്ടെന്നും കനേഡിയൻ പൊലീസിനേക്കാൾ കൂടുതൽ തോക്കുകൾ തങ്ങളുടെ കൈവശമുണ്ടെന്നും അവകാശപ്പെടുന്നു. “ഞങ്ങൾ കാനഡ ഭരിക്കും, ഞങ്ങളെ തടയാൻ ആർക്കും കഴിയില്ല, ഞങ്ങൾ വളരെ ശക്തരാണ്” എന്ന് കത്തിൽ പറയുന്നു. വെറും 1000 ഡോളറിന് ആളുകളെ വെടിവെച്ചു കൊല്ലാൻ ശേഷിയുള്ള ഷൂട്ടർമാർ തങ്ങൾക്കൊപ്പമുണ്ടെന്നും കത്തിൽ പരാമർശിക്കുന്നുണ്ട്.
കാനഡയിലെ എല്ലാ വ്യാപാരികളും തങ്ങൾക്ക് നികുതി പോലെ പ്രൊട്ടക്ഷൻ മണി നൽകേണ്ടി വരുമെന്നും വെളുപ്പയായാലും കറുത്തവനായാലും ഇന്ത്യൻ വംശജനായാലും ഇതിൽ നിന്ന് ഒഴിവില്ലെന്നും കത്തിൽ മുന്നറിയിപ്പ് നൽകുന്നു.
കാനഡയിൽ ഇന്ത്യൻ വിദ്യാർത്ഥികളെയും മറ്റും ഉപയോഗിച്ച് കുറ്റകൃത്യങ്ങളും വെടിവെപ്പുകളും വർദ്ധിച്ചുവരുന്ന സാഹചര്യത്തിലാണ് ബിഷ്ണോയ് സംഘത്തിന്റെ ഈ ഭീഷണിക്കത്തും പുറത്തുവന്നിരിക്കുന്നത്. കനേഡിയൻ സുരക്ഷാ ഏജൻസികളും പൊലീസും ഈ വിഷയത്തിൽ ശക്തമായ അന്വേഷണം ആരംഭിച്ചിട്ടുണ്ട്
