‘കർഷക ക്ഷേമത്തിന് കേന്ദ്രവും സംസ്ഥാനങ്ങളും ഒന്നിച്ചു പ്രവർത്തിക്കണം’: കേന്ദ്രമന്ത്രി ശിവരാജ് സിങ് ചൗഹാൻ | Shivraj Singh Chouhan

ഹൈദരാബാദ്: കർഷകരുടെ ക്ഷേമം ഉറപ്പാക്കുന്നതിനും വരുമാനം വർദ്ധിപ്പിക്കുന്നതിനുമായി കേന്ദ്ര സർക്കാർ സംസ്ഥാനങ്ങൾക്ക് പൂർണ്ണ പിന്തുണ നൽകുമെന്ന് കേന്ദ്ര കാർഷിക മന്ത്രി ശിവരാജ് സിങ് ചൗഹാൻ. ഹൈദരാബാദിൽ നടന്ന ദക്ഷിണേന്ത്യൻ സംസ്ഥാനങ്ങളിലെ കാർഷിക മന്ത്രിമാരുടെ സമ്മേളനത്തിന്റെ ഉദ്ഘാടന ചടങ്ങിൽ സംസാരിക്കുകയായിരുന്നു അദ്ദേഹം.(Shivraj Singh Chouhan Stresses Centre State Cooperation For Farmers Welfare At Hyderabad Conference)

രാജ്യത്തെ എല്ലാ കർഷകരിലേക്കും കിസാൻ ക്രെഡിറ്റ് കാർഡ് (KCC) സേവനങ്ങൾ എത്തിക്കേണ്ടതിന്റെ ആവശ്യകത മന്ത്രി ഊന്നിപ്പറഞ്ഞു. പ്രധാനമന്ത്രി കിസാൻ സമ്മാൻ നിധി യോജനയുടെ ഗുണഭോക്താക്കളായ കർഷകർക്ക് തുടക്കത്തിൽത്തന്നെ കിസാൻ ക്രെഡിറ്റ് കാർഡുകൾ നൽകും. കുറഞ്ഞ പലിശ നിരക്കിൽ ആവശ്യമായ വായ്പ ലഭ്യമാക്കാൻ ഇത് സഹായിക്കും.

രാജ്യത്തിന്റെ വൈവിധ്യമാർന്ന കാലാവസ്ഥയും മണ്ണും കണക്കിലെടുത്ത് പ്രാദേശിക ആവശ്യങ്ങൾക്കനുസൃതമായ നയങ്ങളാണ് വേണ്ടതെന്ന് അദ്ദേഹം ചൂണ്ടിക്കാട്ടി. എൽ നിനോ പ്രഭാവവും വിള വൈവിധ്യവൽക്കരണവും യോഗത്തിൽ ചർച്ചയായി.

Story Summary

Union Agriculture Minister Shivraj Singh Chouhan announced that the Centre will extend full support to states to boost farmers’ income and welfare during the Southern States Agriculture Ministers’ conference in Hyderabad. He urged officials to issue Kisan Credit Cards to PM-KISAN beneficiaries for easy access to low-interest loans.