പല്ല് അകൽച്ച; കാരണങ്ങളിതാണ്
Current: മലയാളം
പല്ലുകൾ തമ്മിൽ അകലം ഉണ്ടാകുന്നതിന് ചില കാരണങ്ങളറിയാം. പറയുന്ന
പല്ലുകളുടെയും താടിയെല്ലിന്റെയും വലുപ്പം: താടിയെല്ലിന്റെ (Jawbone) വലുപ്പവുമായി താരതമ്യം ചെയ്യുമ്പോൾ പല്ലുകളുടെ വലുപ്പം ചെറുതാണെങ്കിൽ പല്ലുകൾക്കിടയിൽ അകലം ഉണ്ടാകാം. ഇത് പലപ്പോഴും പാരമ്പര്യമായി കിട്ടുന്നതാണ്.
വലിയ ലാബിയൽ ഫ്രെനും: മുകളിലത്തെ ചുണ്ടിനെ മോണയുമായി ബന്ധിപ്പിക്കുന്ന ചെറിയ കോശമാണ് ഫ്രെനും. ഇത് കൂടുതൽ താഴേക്ക് വളർന്ന് രണ്ട് മുൻപല്ലുകൾക്കിടയിലേക്ക് ഇറങ്ങി നിൽക്കുകയാണെങ്കിൽ പല്ലുകൾ തമ്മിൽ അകലാൻ കാരണമാകും.
ചെറുപ്പകാലത്തെ ശീലങ്ങൾ: കുഞ്ഞായിരിക്കുമ്പോൾ വിരൽ കുടിക്കുക, നാക്കുകൊണ്ട് മുൻപല്ലുകളിൽ എപ്പോഴും തള്ളുക തുടങ്ങിയ ശീലങ്ങൾ പല്ലുകൾ മുന്നോട്ട് തള്ളിപ്പോകുന്നതിനും അവ തമ്മിൽ അകലുന്നതിനും കാരണമാകുന്നു.
മോണരോഗങ്ങൾ: മോണയിലുണ്ടാകുന്ന അണുബാധ കാരണം പല്ലിനെ താങ്ങിനിർത്തുന്ന എല്ലുകൾക്ക് ക്ഷയം സംഭവിക്കാം. ഇത് പല്ലുകൾക്ക് ഇളക്കം തട്ടുന്നതിനും അവ തമ്മിൽ അകന്നുപോകുന്നതിനും കാരണമാകും.
പല്ലുകൾ നഷ്ടപ്പെടുന്നത്: ഏതെങ്കിലും പല്ലുകൾ മുളയ്ക്കാതിരിക്കുകയോ അല്ലെങ്കിൽ കേടുവന്നത് കാരണം പല്ല് പറിച്ചുകളയുകയോ ചെയ്യുമ്പോൾ ബാക്കിയുള്ള പല്ലുകൾ ആ ഭാഗത്തേക്ക് നീങ്ങുകയും പല്ലുകൾക്കിടയിൽ വിടവ് വരികയും ചെയ്യാം.
