വെള്ളരിക്കുണ്ടിൽ ദമ്പതികളെ കുളത്തിൽ മരിച്ച നിലയിൽ കണ്ടെത്തി; അപകടമെന്ന് പ്രാഥമിക നിഗമനം | Vellarikundu couple death

കാസർകോട്: വെള്ളരിക്കുണ്ടിൽ വീട്ടുപറമ്പിലെ കുളത്തിൽ ദമ്പതികളെ മരിച്ച നിലയിൽ കണ്ടെത്തി (Vellarikundu couple death). മാലോം കാര്യോട്ട് ചാലിൽ തടത്തിൽ വീട്ടിൽ സാബു (56), ഭാര്യ സജി സാബു (52) എന്നിവരാണ് മരിച്ചത്.

കുളത്തിലെ ജലം ശുദ്ധീകരിക്കുന്നതിനായി ക്ലോറിൻ ഇടുന്നതിനിടെയാണ് അപകടമുണ്ടായതെന്നാണ് പ്രാഥമിക വിവരം. ആദ്യം സജി കുളത്തിലേക്ക് വീഴുകയും ഇവരെ രക്ഷിക്കാൻ ശ്രമിക്കുന്നതിനിടെ സാബുവും കുളത്തിലേക്ക് വീഴുകയുമായിരുന്നുവെന്നാണ് ലഭിക്കുന്ന വിവരം.

ഉച്ചയ്ക്ക് രണ്ടുമണിയോടെയാണ് സംഭവം. നാട്ടുകാരാണ് വിവരം പൊലീസിൽ അറിയിച്ചത്. തുടർന്ന് വെള്ളരിക്കുണ്ട് പൊലീസ് സ്ഥലത്തെത്തി അന്വേഷണം ആരംഭിച്ചു. സംഭവത്തിന്റെ കൂടുതൽ വിശദാംശങ്ങൾ അന്വേഷണത്തിനുശേഷം മാത്രമേ വ്യക്തമാകൂ.

Story Summary:
A couple was found dead in a pond on their residential property in Vellarikundu, Kasaragod. Police suspect that the incident may have occurred when the couple was attempting to clean the pond water using chlorine.