റെയിൽവേ സ്റ്റേഷനുകളിൽ നൽകുന്ന 60 ആഹാര ഇനങ്ങൾക്ക് വില കൂട്ടിയപ്പോൾ വില വർധിക്കാതെ രക്ഷപെട്ടത് പൊറോട്ടയും ചപ്പാത്തിയും. ഒരു ചപ്പാത്തിക്ക് അഞ്ച്‌ രൂപയും ഒരു പൊറോട്ടക്ക് 10 രൂപയും തുടരും. ഡിപ്പ് ചായയും കാപ്പിയും 10 രൂപയിൽ തുടരും. വില വർധന പോക്കറ്റ് കാലിയാക്കുന്നുണ്ടെന്നു യാത്രക്കാർ
Current: മലയാളം
കോട്ടയം: റെയിൽവേ സ്റ്റേഷനുകളിൽ നൽകുന്ന 60 ആഹാര ഇനങ്ങൾക്ക് വില കൂട്ടിയപ്പോൾ വില വർധിക്കാതെ രക്ഷപെട്ടത് പൊറോട്ടയും ചപ്പാത്തിയും. ഒരു ചപ്പാത്തിക്ക് അഞ്ച്‌ രൂപയും ഒരു പൊറോട്ടക്ക് 10 രൂപയും തുടരും.
ഡിപ്പ് ചായയും കാപ്പിയും 10 രൂപയിൽ തുടരും. പഴംപൊരിക്കു 20 രൂപയായി തുടരും. വില വർധന പോക്കറ്റ് കാലിയാക്കുന്നുണ്ടെന്നു യാത്രക്കാർ. ഭക്ഷണത്തിൻ്റെ കോളിറ്റിയും പലപ്പോഴും മോശമാണെന്ന് യാത്രക്കാർ പരാതി പറയുന്നുണ്ട്.
ഇക്കുറി വിലയ വില വർധനവാണ് വരുത്തിയിരിക്കുന്നത്. ചോറിനും മീൻകറിക്കും 110 രൂപ നൽകണം. മുൻപ് 95 രൂപയായിരുന്നു.
രണ്ട് പൊറോട്ടയും കറി അല്ലെങ്കിൽ നാല് ചപ്പാത്തിയും കറിക്കും 10 രൂപ വർധിച്ച് 55 രൂപയായി. ചപ്പാത്തിക്കു വില വർധിച്ചില്ലെങ്കിലും കറിക്കു വില കൂട്ടി.
മധുവട, മസാലവട, സമൂസ (രണ്ടെണ്ണം) 25 രൂപയിൽനിന്ന് 30 രൂപയായി. ഇടിയപ്പത്തിന് (രണ്ടെണ്ണം) 20 രൂപയും കടലക്കറിക്ക് 45 രൂപയുമായി.
രണ്ട് ഇഡ്ഡലിയും ചട്ട്നിക്കും 25 രൂപ നൽകണം. മസാലദോശക്ക് 30 രൂപയായി. 25 രൂപയായിരുന്നു നിലവിൽ. രണ്ട് സമൂസയ്ക്ക്‌ 30 രൂപ നൽകണം.
വെജിറ്റബിൾ സാൻഡിവിച്ച് 30 രൂപയിൽനിന്ന് 35 രൂപയായി. രണ്ട് വെജിറ്റബിൾ കട്ട്‌ലെറ്റ് കഴിക്കാൻ 50 രൂപ നൽകണം. നിലവിൽ 40 രൂപയായിരുന്നു. റവദോശയ്ക്കും റവ ഇഡ്ഡലിക്കും അഞ്ച്‌ രൂപ കൂടി. യഥാക്രമം 30, 25 രൂപയായി.
മറ്റു ഇനങ്ങളായ ചിക്കൻ ഫ്രൈഡ് റൈസിന് (200 ഗ്രാം) 105 രൂപയും മുട്ട ഫ്രൈഡ് റൈസിന് (200 ഗ്രാം) 80 രൂപയും വെജ് ഫ്രൈഡ് റൈസിന് (200 ഗ്രാം) 65 രൂപയും ചില്ലിചിക്കന് (100 ഗ്രാം) 125 രൂപയും ഈടാക്കും.
പാചകവാതകം, എണ്ണ, പച്ചക്കറികൾ, മറ്റ് നിത്യോപയോഗ സാധനങ്ങൾ എന്നിവയുടെ വിപണി വില വർധിച്ചത് കാറ്ററിങ് കരാറുകാരുടെ നിർമ്മാണച്ചെലവ് ഉയർത്തി. .
ദീർഘനാളായി ഈ വിഭവങ്ങൾക്ക് നിരക്ക് വർധനവ് ഉണ്ടായിരുന്നില്ല. ചെലവുകൾക്ക് അനുസൃതമായി തുക പുനഃക്രമീകരിക്കുന്നതിന്റെ ഭാഗമായാണ് ദക്ഷിണ റെയിൽവേ പുതിയ നിരക്ക് നിലവിൽ വരുത്തിയത്.
വർധിപ്പിച്ച വിലയ്ക്ക് അനുസൃതമായി യാത്രക്കാർക്ക് നൽകുന്ന ഭക്ഷണത്തിന്റെ ശുചിത്വവും ഗുണനിലവാരവും അളവും ഉറപ്പുവരുത്താൻ റെയിൽവേ കാറ്ററിങ് യൂണിറ്റുകൾക്ക് കർശന നിർദേശം നൽകിയിട്ടുണ്ട്.
