ഈരാറ്റുപേട്ട – വാഗമൺ റോഡിൽ അപകടം, നിയന്ത്രണം വിട്ട ടാങ്കർ ലോറി ട്രാവലറിൽ ഇടിച്ചു. നിരവധി പേർക്ക് പരുക്ക്. ട്രാവലർ പിന്നോട്ട് ഉരുണ്ട് ഓട്ടോറിക്ഷയിൽ ഇടിക്കുകയും ചെയ്തു

കോട്ടയം: ഈരാറ്റുപേട്ട-വാഗമൺ റോഡിൽ മാവടിയിൽ ഉണ്ടായ അപകടത്തിൽ നിരവധി പേർക്ക് പരുക്കേറ്റു.

സെപ്റ്റിക് ടാങ്ക് മാലിന്യം ശേഖരിക്കുന്ന വാഹനത്തിന്റെ ബ്രേക്ക് നഷ്ടപ്പെട്ടതാണ് അപകട കാരണം.

ഇന്നു രാവിലെ 10 മണിയോടെയാണ് അപകടം.

നിയന്ത്രണം വിട്ട ലോറി എതിരെ വന്ന ട്രാവലറിൽ ഇടിച്ചു കയറുകയായിരുന്നു.

 പിന്നാലെ വന്ന ഓട്ടോറിക്ഷയിലേക്ക് ട്രാവലർ പിന്നോട്ട് ഉരുണ്ട് ഇടിക്കുകയും ചെയ്തു.

 പാലക്കാട് സ്വദേശികളാണ് ട്രാവലറിൽ ഉണ്ടായിരുന്നത്. ഓട്ടോറിക്ഷയുടെ മുൻഭാഗവും തകർന്നിട്ടുണ്ട്.

പരുക്കേറ്റ രണ്ടു പേരെ ഈരാറ്റുപേട്ടയിലെ സ്വകാര്യ ആശുപത്രിയിൽ പ്രവേശിപ്പിച്ചു.

 അപകടത്തിൽ തുടർന്നു റോഡിൽ വലിയ ഗതാഗത തടസവും ഉണ്ടായി.