പ്രളയ മഹാദുരന്തത്തിലും തളരാതെ അതിജീവനത്തിന്റെ പാതയിൽ നേപ്പാൾ ജനത: ആയിരത്തിലധികം ജീവനുകൾ പൊലിയുകയും സർവ്വസ്വവും തകരുകയും ചെയ്തിട്ടും തകർന്നടിഞ്ഞ മണ്ണിൽ നിന്നും ജീവിതം തിരികെ പിടിച്ച് ദുരന്തബാധിതർ; ദുരിതാശ്വാസ ക്യാമ്പുകളുമായി സന്നദ്ധ സംഘടനകളും ഗതാഗത സംവിധാനങ്ങൾ പുനഃസ്ഥാപിക്കാൻ സൈന്യവും രംഗത്ത്

കാഠ്മണ്ഡു: ഓഗസ്റ്റ് 26-നുണ്ടായ പ്രളയത്തിലും കുത്തിയൊലിച്ചെത്തിയ മലവെള്ളപ്പാച്ചിലിലും കനത്ത നാശനഷ്ടങ്ങള്‍ നേരിട്ട നേപ്പാളിലെ നുവാകോട്ട് ജില്ലയിലെ ജനങ്ങള്‍ ജീവിതം തിരികെ പിടിക്കാനുള്ള കഠിനശ്രമത്തില്‍. 

ത്രിശൂലി നദിക്കരയിലുള്ള ബിദൂര്‍ നഗരസഭ അടക്കമുള്ള മേഖലകളില്‍ വീടുകളും വ്യാപാര സ്ഥാപനങ്ങളും ചെളിയും പാറക്കല്ലുകളും മൂടി പൂര്‍ണ്ണമായി തകര്‍ന്നു.

കനത്ത പ്രളയത്തില്‍ നേപ്പാളില്‍ ആകമാനം 1,388 ആളുകള്‍ മരിക്കുകയും അയ്യായിരത്തിലധികം പേരെ കാണാതാവുകയും ചെയ്തതില്‍ 199 മരണങ്ങളും 1,800 കാണാതായ സംഭവങ്ങളും നുവാകോട്ടില്‍ നിന്നാണ് റിപ്പോര്‍ട്ട് ചെയ്തിട്ടുള്ളത്. 

സര്‍വ്വസ്വവും നഷ്ടപ്പെട്ടെങ്കിലും വീടുകളിലും കടകളിലും അടിഞ്ഞുകൂടിയ ചെളിയും അവശിഷ്ടങ്ങളും നീക്കം ചെയ്ത് ജനങ്ങള്‍ അതിജീവനത്തിന്റെ പുതിയ വഴികള്‍ തേടുകയാണ്. 

കരസേനയുടെ നേതൃത്വത്തില്‍ ഗതാഗത ബന്ധങ്ങള്‍ പുനഃസ്ഥാപിക്കാനുള്ള ശ്രമങ്ങള്‍ തുടരുന്നതിനൊപ്പം, സന്നദ്ധ സംഘടനകളും പതഞ്ജലി ആയുര്‍വേദ പോലെയുള്ള പ്രസ്ഥാനങ്ങളും ദുരിതാശ്വാസ ക്യാമ്പുകള്‍ വഴി ഭക്ഷണവും മറ്റ് അടിയന്തര സഹായങ്ങളും നല്‍കി വരുന്നു. 

പാലങ്ങള്‍ തകര്‍ന്ന പ്രദേശങ്ങളില്‍ കമ്പി വടത്തില്‍ കെട്ടിയ കേജുകളില്‍ അപ്പുറത്തെത്തുന്ന ‘തൂയിന്‍’ സംവിധാന ആശ്രയിച്ചാണ് നിലവില്‍ ജനങ്ങള്‍ യാത്ര ചെയ്യുന്നത്.