പരിസ്ഥിതി ലോല നിയമങ്ങളുടെ പേരിൽ കർഷകരുടെ ഭൂമി നിർബന്ധിതമായി ഏറ്റെടുക്കില്ലെന്ന് വനംമന്ത്രി ഷിബു ബേബി ജോൺ; ഭൂമി ഏറ്റെടുക്കേണ്ട സാഹചര്യമുണ്ടായാൽ അർഹമായ നഷ്ടപരിഹാരം ഉറപ്പാക്കും, വന്യജീവി ആക്രമണങ്ങളിലെ നഷ്ടപരിഹാരത്തുകയും വർധിപ്പിക്കും

തിരുവനന്തപുരം: പരിസ്ഥിതി ലോല നിയമങ്ങളുടെ പേരിൽ കർഷകരുടെ ഭൂമി നിർബന്ധിതമായി ഏറ്റെടുക്കില്ലെന്ന് വനംമന്ത്രി ഷിബു ബേബി ജോൺ. 

നിർബന്ധിത ഭൂമി ഏറ്റെടുക്കൽ ഉണ്ടാകില്ലെന്നും ഏതെങ്കിലും സാഹചര്യത്തിൽ ഭൂമി ഏറ്റെടുക്കേണ്ടി വന്നാൽ അർഹമായ നഷ്ടപരിഹാരം ഉറപ്പാക്കുമെന്നും മന്ത്രി വ്യക്തമാക്കി. കർഷക സംഘടനകളുടെ പ്രതിനിധികളുമായി നടത്തിയ ചർച്ചയിലാണ് വനംമന്ത്രി നിർണായകമായ ഉറപ്പുകൾ നൽകിയത്.

വന്യജീവി ആക്രമണങ്ങളിൽ കർഷകർ നേരിടുന്ന പ്രതിസന്ധി പരിഹരിക്കുന്നതിനായി നഷ്ടപരിഹാരത്തുക വർധിപ്പിക്കുമെന്നും ചർച്ചയിൽ തീരുമാനമായി.

കർഷകരുടെ ആശങ്കകൾ പൂർണമായും പരിഹരിക്കുമെന്നും അവരുടെ ജീവനും സ്വത്തിനും സംരക്ഷണം നൽകുന്ന നടപടികളുമായി സർക്കാർ മുന്നോട്ടുപോകുമെന്നും മന്ത്രി കൂട്ടിച്ചേർത്തു.