സിപിഎം സംസ്ഥാന സെക്രട്ടേറിയറ്റ് അംഗമായി തെരഞ്ഞെടുത്ത പി. ജയരാജന് കണ്ണൂരില്‍ വന്‍ സ്വീകരണം
🌐 Select your Language:
Current: മലയാളം
Current: മലയാളം
കണ്ണൂര്‍: സിപിഎം സംസ്ഥാന സെക്രട്ടേറിയറ്റ് അംഗമായി തെരഞ്ഞെടുത്ത പി. ജയരാജന് കണ്ണൂരില്‍ വന്‍ സ്വീകരണം. പടക്കം പൊട്ടിച്ചും മുദ്രാവാക്യം വിളിച്ചും മധുരം വിതരണം ചെയ്തുമാണ് പ്രവര്‍ത്തകര്‍ ജയരാജനെ സ്വീകരിച്ചത്. പാട്യം ഗോപാലന്‍ മെമ്മോറിയല്‍ ക്ലബിന് സമീപത്ത് വെച്ചായിരുന്നു ജയരാജനെ പ്രവർത്തകർ വരവേറ്റത്.
പാര്‍ട്ടിയിലെ തെറ്റുതിരുത്തല്‍ നടപടികളുടെ ഭാഗമായാണ് സിപിഎം സംസ്ഥാന സെക്രട്ടേറിയറ്റ് പുനഃസംഘടിപ്പിച്ചത്. പി. ജയരാജന് പുറമെ വി. ശിവന്‍കുട്ടി, എം.ബി രാജേഷ് എന്നിവരെയാണ് സെക്രട്ടേറിയറ്റില്‍ ഉള്‍പ്പെടുത്തിയത്. രാജ്യസഭാ എം.പി ജോണ്‍ ബ്രിട്ടാസിനെ സെക്രട്ടേറിയറ്റില്‍ ക്ഷണിതാവായും തീരുമാനിച്ചു. സംസ്ഥാന സെന്ററിന്റെ ഭാഗമായി ബ്രിട്ടാസ് പ്രവര്‍ത്തിക്കും.
Get more updates from Pudukad News on Google
