പഞ്ചാബിൽ അതിർത്തി കടന്നുള്ള ലഹരിക്കടത്ത് ശൃംഖല തകർത്തു; 17 കിലോ ഹെറോയിനുമായി മൂന്ന് പേർ അറസ്റ്റിൽ | Punjab Police

ചണ്ഡീഗഡ്: അതിർത്തി കടന്നുള്ള ലഹരിക്കടത്ത് ശൃംഖല തകർത്ത് പഞ്ചാബ് പൊലീസ് (Punjab Police). അമൃത്സറിലെ കൗണ്ടർ ഇന്റലിജൻസ് വിഭാഗം നടത്തിയ നടപടിയിൽ മൂന്ന് പേരെ അറസ്റ്റ് ചെയ്തു. ഇവരിൽ നിന്ന് 17 കിലോ ഹെറോയിൻ പിടിച്ചെടുത്തതായി പഞ്ചാബ് ഡിജിപി ഗൗരവ് യാദവ് അറിയിച്ചു.

പ്രാഥമിക അന്വേഷണത്തിൽ, അറസ്റ്റിലായവർ അതിർത്തിക്കപ്പുറത്തുള്ള ലഹരിക്കടത്തുകാരുമായി ബന്ധം പുലർത്തിയിരുന്നതായി കണ്ടെത്തിയിട്ടുണ്ട്. ഇവരിൽ നിന്ന് ഹെറോയിൻ ശേഖരിച്ച് വിവിധ ഇടങ്ങളിൽ വിതരണം ചെയ്തിരുന്നതായും അന്വേഷണത്തിൽ വ്യക്തമായതായി പൊലീസ് അറിയിച്ചു.

സംഭവത്തിൽ അമൃത്സറിലെ സ്റ്റേറ്റ് സ്പെഷ്യൽ ഓപ്പറേഷൻ സെൽ പൊലീസ് സ്റ്റേഷനിൽ എഫ്ഐആർ രജിസ്റ്റർ ചെയ്തു. ലഹരിക്കടത്ത് ശൃംഖലയുമായി ബന്ധപ്പെട്ട കൂടുതൽ വിവരങ്ങൾ കണ്ടെത്തുന്നതിനുള്ള അന്വേഷണം തുടരുകയാണ്.

Story Summary:
Punjab Police’s Amritsar Counter Intelligence unit arrested three people and seized 17 kg of heroin in an operation targeting a cross-border drug trafficking network. Further investigation is underway to identify other links in the network.