ദുർ​ഗാപൂജ ആഘോഷങ്ങൾക്കിടെ വൻ തിക്കും തിരക്കും; കൊൽക്കത്തയിൽ 17 മരണം, നിരവധി പേർക്ക് പരിക്ക്. പലരുടെയും നില ​ഗുരുതരം. അപകടസമയത്ത് പ്രദേശത്ത് കനത്ത മഴ

കൊൽക്കത്ത: ദുർഗാപൂജ ആഘോഷങ്ങൾക്കിടെ തിക്കിലും തിരക്കിലുംപെട്ട് കൊൽക്കത്തയിൽ 17 പേർക്ക് ദാരുണാന്ത്യം.

നോർത്ത് കൊൽക്കത്തയിലെ ചോർബ​ഗാൻ സർബോജനിൻ ദുർഗാപൂജ പന്തലിലാണ് അപകടമുണ്ടായത്. പരിക്കേറ്റ 35 പേരെ ആശുപത്രിയിൽ പ്രവേശിപ്പിച്ചിട്ടുണ്ട്. പലരുടേയും നില ​ഗുരുതരമാണ്.

ശനിയാഴ്ച രാത്രി 7.40 ഓടെയാണ് അപകടമുണ്ടായത്. പ്രദേശത്ത് കനത്ത മഴയുണ്ടായിരുന്നു. മഴ പെയ്തപ്പോൾ ആളുകൾ തിക്കിത്തിരക്കി പന്തലിലേക്ക് കയറിയതാണ് അപകടത്തിന് കാരണമായതെന്നാണ് പ്രാഥമിക വിവരം.