വെട്ടുകാട് വാഹനാപകടം; കൈക്കുഞ്ഞടക്കം ഒരു കുടുംബത്തിലെ നാല് പേർക്ക് പരിക്ക് | Vettukad accident

തിരുവനന്തപുരം: വെട്ടുകാട് വാഹനാപകടത്തിൽ രണ്ട് കുട്ടികളും മാതാപിതാക്കളുമടങ്ങുന്ന ഒരു കുടുംബത്തിലെ നാല് പേർക്ക് പരിക്കേറ്റു (Vettukad accident). ഇവർ സഞ്ചരിച്ചിരുന്ന ഇരുചക്രവാഹനമാണ് അപകടത്തിൽപ്പെട്ടത്. പരിക്കേറ്റവരിൽ കൈക്കുഞ്ഞും ഉൾപ്പെടുന്നു.

വിമാനത്താവളത്തിൽനിന്ന് ശംഖുമുഖത്തേക്ക് പോകുന്ന റോഡിൽ വെട്ടുകാടിന് സമീപമായിരുന്നു അപകടം. വെട്ടുകാട് പള്ളിയിലേക്ക് പോകുന്നതിനിടെയാണ് അപകടമുണ്ടായതെന്നാണ് പ്രാഥമിക വിവരം.

ബൈക്ക് ഡിവൈഡറിൽ ഇടിച്ചാണോ മറ്റൊരു വാഹനവുമായി കൂട്ടിയിടിച്ചാണോ അപകടമുണ്ടായതെന്ന് വ്യക്തമായിട്ടില്ല. അപകടത്തിൽ കുടുംബാംഗങ്ങൾക്ക് ഗുരുതരമായി പരിക്കേറ്റതായാണ് വിവരം.

കൈക്കുഞ്ഞിനെ പൊലീസ് വാഹനത്തിൽ ആശുപത്രിയിലെത്തിച്ചു

പരിക്കേറ്റ കൈക്കുഞ്ഞിനെ പൊലീസ് വാഹനത്തിൽ ഉടൻ ആശുപത്രിയിലെത്തിച്ചു. കുടുംബത്തിലെ മറ്റുള്ളവരെയും അപകടം നടന്ന് 15 മിനിറ്റിനുള്ളിൽ ആശുപത്രിയിൽ പ്രവേശിപ്പിച്ചു.

വെട്ടുകാട് പെരുന്നാൾ നടക്കുന്നതിനാൽ പ്രദേശത്ത് പൊലീസും അഗ്നിരക്ഷാസേനയും നേരത്തേ സന്നിഹിതരായിരുന്നു. ഇവരുടെ സമയോചിതമായ ഇടപെടലും നാട്ടുകാരുടെ സഹായവും രക്ഷാപ്രവർത്തനം വേഗത്തിലാക്കി.

അപകടത്തിന്റെ കൃത്യമായ കാരണം സംബന്ധിച്ച് കൂടുതൽ വിവരങ്ങൾ ലഭ്യമായിട്ടില്ല.

Story Summary:
Four members of a family, including two children and an infant, were injured when their two-wheeler met with an accident near Vettukad in Thiruvananthapuram. The family was reportedly travelling towards Vettukad Church when the accident occurred. The exact cause of the crash remains unclear. Police and local residents helped rescue the injured, and all four were taken to hospital.