ഫുജൈറ വാഹനാപകടത്തിൽ മരിച്ച വേങ്ങര സ്വദേശികളുടെ മൃതദേഹങ്ങൾ സംസ്കരിച്ചു | Fujairah road accident

ഫുജൈറ: യുഎഇയിലെ ഫുജൈറയിലുണ്ടായ വാഹനാപകടത്തിൽ മരിച്ച വേങ്ങര സ്വദേശികളുടെ മൃതദേഹങ്ങൾ സംസ്കരിച്ചു (Fujairah road accident). ഫുജൈറയിൽ നടന്ന സംസ്കാരച്ചടങ്ങിൽ മലയാളികൾ ഉൾപ്പെടെ നിരവധി പേർ പങ്കെടുത്തു.

മലപ്പുറം വേങ്ങര കുന്നുംപുറം കുണ്ടിൽപ്പാറ സ്വദേശി സിദ്ദീഖിന്റെ ഇരട്ട മക്കളായ മുഹമ്മദ് അസ്മിൽ സിദ്ദീഖ് (21), മിസ്ന ജുബിൻ സിദ്ദീഖ് (21), മൂത്ത മകളുടെ മകൻ മൂന്നുവയസ്സുകാരൻ മുഹമ്മദ് ഫായിസ് എന്നിവരുടെ മൃതദേഹങ്ങളാണ് സംസ്കരിച്ചത്.

ട്രക്കുമായി കൂട്ടിയിടിച്ച് അപകടം

ബന്ധുവിനെ ഷാർജയിൽ ഇറക്കിയ ശേഷം മടങ്ങിവരുന്നതിനിടെയാണ് അപകടമുണ്ടായത്. ബുധനാഴ്ച രാത്രി പതിനൊന്നോടെ ഫുജൈറ കോർട്ട് ഹൗസിന് സമീപം ഇവർ സഞ്ചരിച്ചിരുന്ന കാർ ട്രക്കുമായി കൂട്ടിയിടിക്കുകയായിരുന്നു.

അപകടസമയത്ത് കാറിലുണ്ടായിരുന്ന മാതാവ് ആരിഫയാണ് വിവരം മൂത്ത മകൻ അജ്മലിനെ ഫോണിലൂടെ അറിയിച്ചത്.

ഇടിയുടെ ആഘാതത്തിൽ റോഡിലേക്ക് തെറിച്ചുവീണ അസ്മിലും മിസ്നയും കുഞ്ഞ് ഫായിസും സംഭവസ്ഥലത്തുതന്നെ മരിച്ചു. അപകടത്തിൽ പരിക്കേറ്റ മാതാവ് ആരിഫയും സഹോദരി ഫർസാനയും മറ്റ് രണ്ട് കുട്ടികളും അപകടനില തരണം ചെയ്തതായി വിവരമുണ്ട്.

Story Summary:
The bodies of three members of a family from Vengara, Malappuram, who died in a road accident in Fujairah, UAE, have been buried. The deceased were 21-year-old twins Muhammad Asmil Siddique and Misna Jubin Siddique, along with their three-year-old nephew Muhammad Faiz. Their car collided with a truck near Fujairah Court House while they were returning from Sharjah. Their mother and other family members who were injured have reportedly recovered from the critical stage.