മാത്യു തോമസും ദേവികാ സഞ്ജയും പ്രധാന വേഷങ്ങളിലെത്തുന്ന ‘സുഖമാണോ സുഖമാണ്’ എന്ന ചിത്രത്തിന്റെ ആകാംക്ഷയേറ്റുന്ന ട്രെയ്ലർ റിലീസായി. എല്ലാ പ്രായക്കാർക്കും ഒരുപോലെ ആസ്വദിക്കാൻ കഴിയുന്ന ഒരു ഫാമിലി എന്റർടെയ്നറായിരിക്കും ചിത്രമെന്ന സൂചനയാണ് ട്രെയ്ലർ നൽകുന്നത്. പ്രണയവും കുടുംബബന്ധങ്ങളും ഹാസ്യവും കോർത്തിണക്കി ഒരുക്കിയിരിക്കുന്ന ചിത്രം ഫെബ്രുവരി 13-ന് തിയേറ്ററുകളിലെത്തും.
അരുൺലാൽ രാമചന്ദ്രൻ രചനയും സംവിധാനവും നിർവഹിച്ച ഈ ചിത്രത്തിൽ വലിയൊരു താരനിര തന്നെ അണിനിരക്കുന്നുണ്ട്. ജഗദീഷ്, സ്ഫടികം ജോർജ്, നോബി മാർക്കോസ്, മണിക്കുട്ടൻ, അഖിൽ കവലയൂർ തുടങ്ങി പ്രമുഖ താരങ്ങൾ ചിത്രത്തിൽ പ്രധാന വേഷങ്ങളിൽ എത്തുന്നു. ലൂസിഫർ സർക്കസിന്റെ ബാനറിൽ ഗൗരവ് ചനാനയാണ് ചിത്രം നിർമ്മിച്ചിരിക്കുന്നത്.
Also Read: ബോക്സ് ഓഫീസിൽ ‘ചത്താ പച്ച’ തരംഗം; നാല് ദിനത്തിൽ കേരളത്തിൽ നിന്ന് മാത്രം 10 കോടി കടന്ന് കളക്ഷൻ!
ഡ്രീം ബിഗ് ഫിലിംസ് കേരളത്തിലെ തിയേറ്ററുകളിൽ എത്തിക്കുന്ന ഈ ചിത്രത്തിന്റെ ഓവർസീസ് വിതരണാവകാശം പ്ലോട്ട് പിക്ചേഴ്സിനാണ്. ലൂസിഫർ മ്യൂസിക്കിലൂടെയാണ് ഗാനങ്ങൾ പുറത്തിറങ്ങുന്നത്. ഫെബ്രുവരിയിലെ പ്രണയമാസത്തിൽ കുടുംബസമേതം കാണാവുന്ന ഒരു ക്ലീൻ എന്റർടെയ്നർ എന്ന പ്രതീക്ഷയിലാണ് പ്രേക്ഷകർ.
The post മാത്യു തോമസും ദേവികയും ഒന്നിക്കുന്ന ഫാമിലി എന്റർടെയ്നർ; ‘സുഖമാണോ സുഖമാണ്’ ട്രെയ്ലർ പുറത്തിറങ്ങി appeared first on Express Kerala.
