‘സ്വാതന്ത്ര്യം അർദ്ധരാത്രിയിൽ’, ‘അജഗജന്തരം’, ‘ചാവേർ’ എന്നീ ഹിറ്റ് ചിത്രങ്ങൾക്ക് ശേഷം ടിനു പാപ്പച്ചൻ സംവിധാനം ചെയ്യുന്ന പുതിയ സിനിമ ‘കൊല്ലം കോട്ട കമ്പനി’യുടെ ഫസ്റ്റ് ലുക്ക് പോസ്റ്റർ പുറത്തിറങ്ങി. സാധാരണയായി ടിനു പാപ്പച്ചൻ ചിത്രങ്ങളിൽ കാണാറുള്ള മുഴുനീള ആക്ഷൻ ശൈലിയിൽ നിന്ന് അല്പം മാറി ചിന്തിക്കുന്ന ഈ ചിത്രത്തിൽ നാല് പുതുമുഖങ്ങളാണ് പ്രധാന വേഷങ്ങളിൽ എത്തുന്നത്. കൂടാതെ ശ്രദ്ധേയനായ നടൻ സജിൻ ഗോപുവും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. കൊല്ലത്തിന്റെ പശ്ചാത്തലത്തിൽ പോലീസുകാരും ഒരു കൂട്ടം ചെറുപ്പക്കാരും തമ്മിലുള്ള സംഘർഷത്തിന്റെ കഥയാണ് ചിത്രം പറയുന്നതെന്ന് സംവിധായകൻ വ്യക്തമാക്കി.
ക്യാമറയ്ക്ക് മുന്നിലും പിന്നിലുമായി ഏകദേശം 80 ശതമാനത്തോളം പുതുമുഖങ്ങളെ അണിനിരത്തിയാണ് ടിനു പാപ്പച്ചൻ ഈ ചിത്രം ഒരുക്കുന്നത്. അരുൺ നാരായണൻ, അഞ്ജന ഫിലിപ്പ്, ബിനു എസ്.ഡി എന്നിവരോടൊപ്പം ടിനു പാപ്പച്ചനും നിർമ്മാണത്തിൽ പങ്കാളിയാകുന്നു. ജസ്റ്റിൻ വർഗീസ് സംഗീതവും റാഹിൽ ഛായാഗ്രഹണവും നിർവ്വഹിക്കുന്ന ചിത്രത്തിന് ആർ. അരവിന്ദനും സുജിത്ത് സുന്ദരനും ചേർന്നാണ് തിരക്കഥയൊരുക്കിയിരിക്കുന്നത്. വലിയ താരനിരയില്ലാതെ പുതുമയുള്ള ഒരു ചലച്ചിത്ര അനുഭവം പ്രേക്ഷകർക്ക് നൽകാനാണ് അണിയറ പ്രവർത്തകർ ഇതിലൂടെ ലക്ഷ്യമിടുന്നത്.
കോ-പ്രൊഡ്യൂസർ- അച്ചു ബേബി ജോൺ, എഡിറ്റർ – ദീപു ജോസഫ്, ആർട്ട് ഡയറക്ടർ – അജയ് മങ്ങാട്, സൗണ്ട് ഡിസൈൻ – രംഗനാഥ് രവി,ആക്ഷൻ കലൈ കിംഗ്സ്റ്റൺ, കോസ്റ്റ്യൂം ഡിസൈനർ- ആഷിഷ് നമ്പ്യാർ, മേക്കപ്പ് – റോണക്സ് സേവ്യർ, ലിറിക്സ് – വിനായക് ശശികുമാർ,കളറിസ്റ്റ് – ശ്രീക് വാര്യർ [കളർ പ്ലാനറ്റ്], പ്രൊഡക്ഷൻ കൺട്രോളർ- പ്രധ്വി എൻ രാജൻ, ചീഫ് അസോസിയേറ്റ് ഡയറക്ടർ- ഉമേഷ് രാധാകൃഷ്ണൻ, ലൈൻ പ്രൊഡ്യൂസേഴ്സ് – ഫെബി സ്റ്റാലിൻ, വിവേക് കെ ജി, അസോസിയേറ്റ് ഡയറക്ടർ- വിഷ്ണു വിജയൻ, സ്റ്റിൽസ് – ഷൈൻ സബൂറ, പ്രോമോ സ്റ്റിൽസ് – അർജുൻ കല്ലിങ്കൽ. പിആർഒ – റോജിൻ കെ റോയ്.
The post ആക്ഷൻ മാമാങ്കങ്ങൾക്ക് ശേഷം ടിനു പാപ്പച്ചന്റെ ‘കൊല്ലം കോട്ട കമ്പനി’; ഫസ്റ്റ് ലുക്ക് പുറത്തിറങ്ങി appeared first on Express Kerala.
