2026 ഫിഫ ലോകകപ്പിന്റെ ആവേശം ഇരട്ടിപ്പിക്കാൻ കിയ ഇന്ത്യ ഒരുങ്ങുന്നു. പുതിയ കിയ കാർ വാങ്ങുന്നവർക്കായി അമേരിക്കയിൽ നടക്കുന്ന ലോകകപ്പ് മത്സരങ്ങൾ നേരിൽ കാണാനും അതിന്റെ ഭാഗമാകാനും കഴിയുന്ന രണ്ട് ബൃഹത്തായ ക്യാമ്പെയ്നുകളാണ് കമ്പനി പ്രഖ്യാപിച്ചിരിക്കുന്നത്.
1. കിയ വോക്ക് വിത്ത് ചാമ്പ്യൻസ്
കുട്ടികൾക്കായി ഒരുക്കിയിരിക്കുന്ന ഈ പദ്ധതിയിലൂടെ ലോകകപ്പ് മൈതാനത്ത് ഔദ്യോഗിക ‘മാച്ച് ബോൾ കാരിയർ’ ആകാനുള്ള അപൂർവ്വ അവസരമാണ് ലഭിക്കുന്നത്.
ആർക്കൊക്കെ പങ്കെടുക്കാം: 10 മുതൽ 14 വയസ്സുവരെയുള്ള കുട്ടികൾക്ക്.
നിബന്ധന: 2026 ഫെബ്രുവരി 12-നും മാർച്ച് 10-നും ഇടയിൽ കിയ കാരൻസ് ക്ലാവിസ് (പെട്രോൾ/ഡീസൽ അല്ലെങ്കിൽ ഇവി) ബുക്ക് ചെയ്ത് സ്വന്തമാക്കുന്നവർക്ക് അപേക്ഷിക്കാം.
സമ്മാനം: തിരഞ്ഞെടുക്കപ്പെടുന്ന രണ്ട് കുട്ടികൾക്ക് ഒരു രക്ഷിതാവിനൊപ്പം അമേരിക്കയിലേക്ക് പോകാം. യാത്ര, വിസ, താമസം എന്നിവയുടെ മുഴുവൻ ചെലവും കിയ വഹിക്കും.
Also Read: ഇലക്ട്രിക് വിപ്ലവവുമായി മാരുതി; ‘ഇ വിറ്റാര’ വിപണിയിൽ, കണ്ണഞ്ചിപ്പിക്കുന്ന റേഞ്ചും ഫീച്ചറുകളും!
2. കിയ ഡ്രൈവ് ടു ഫിഫ വേൾഡ് കപ്പ് 2026
ഈ പദ്ധതിയിലൂടെ ഭാഗ്യശാലികളായ നാല് ഉപഭോക്താക്കൾക്ക് ലോകകപ്പ് മത്സരങ്ങൾ വിഐപി പരിഗണനയോടെ (Premium Hospitality) നേരിൽ കാണാം.
യോഗ്യത: സെൽറ്റോസ്, സോനെറ്റ്, സിറോസ്, അല്ലെങ്കിൽ കാരൻസ് ക്ലാവിസ് എന്നീ മോഡലുകൾ നിശ്ചിത സമയത്തിനുള്ളിൽ ബുക്ക് ചെയ്ത് വാങ്ങുന്നവർക്ക് ലക്കി ഡ്രോയിൽ പങ്കെടുക്കാം.
സമ്മാനം: തിരഞ്ഞെടുക്കപ്പെടുന്ന നാല് വിജയികൾക്കും ഒപ്പം ഒരാളെക്കൂടി (സുഹൃത്തോ കുടുംബാംഗമോ) അമേരിക്കയിലേക്ക് കൊണ്ടുപോകാം.
ശ്രദ്ധിക്കേണ്ട കാര്യങ്ങൾ
കാലയളവ്: 2026 ഫെബ്രുവരി 12 മുതൽ മാർച്ച് 10 വരെ നടത്തുന്ന ബുക്കിംഗുകൾക്കാണ് ഈ ആനുകൂല്യം ലഭിക്കുക.
തിരഞ്ഞെടുപ്പ്: സ്വതന്ത്രമായി ഓഡിറ്റ് ചെയ്ത ലക്കി ഡ്രോയിലൂടെയാകും വിജയികളെ കണ്ടെത്തുന്നത്.
കൂടുതൽ വിവരങ്ങൾക്ക് കിയ ഇന്ത്യയുടെ വെബ്സൈറ്റോ അടുത്തുള്ള ഡീലർഷിപ്പോ സന്ദർശിക്കാവുന്നതാണ്.
The post കിയ കാർ വാങ്ങൂ, ലോകകപ്പ് കാണാൻ അമേരിക്കയിലേക്ക് പറക്കാം! ഫുട്ബോൾ പ്രേമികൾക്ക് ബമ്പർ ഓഫർ appeared first on Express Kerala.