ലോകത്തിലെ ഏറ്റവും പ്രിയപ്പെട്ട വെബ് ബ്രൗസറായ ഗൂഗിൾ ക്രോം ഉപഭോക്താക്കൾക്കായി വിപ്ലവകരമായ മാറ്റങ്ങൾ അവതരിപ്പിക്കുന്നു. ടാബുകൾക്കിടയിലെ ഓട്ടം ഒഴിവാക്കാനുള്ള ‘സ്പ്ലിറ്റ് സ്ക്രീൻ’, ബ്രൗസറിൽ തന്നെ പിഡിഎഫ് എഡിറ്റിംഗ്, നേരിട്ടുള്ള ഗൂഗിൾ ഡ്രൈവ് സേവ് തുടങ്ങി ദൈനംദിന ഇന്റർനെറ്റ് ഉപയോഗം ലളിതമാക്കുന്ന ഫീച്ചറുകളാണ് ക്രോമിൽ എത്തിയിരിക്കുന്നത്.
1. സ്പ്ലിറ്റ് സ്ക്രീൻ
ഇനി മുതൽ ഒരേ സമയം രണ്ട് വെബ്സൈറ്റുകൾ ഒരു സ്ക്രീനിൽ തന്നെ കാണാം. ഉദാഹരണത്തിന്, ഒരു വശത്ത് യൂട്യൂബ് വീഡിയോ കണ്ട് മറുവശത്ത് നോട്ട് തയ്യാറാക്കാം. ഒരു ടാബിൽ റൈറ്റ് ക്ലിക്ക് ചെയ്ത് “Add tab to new split view” എന്നത് തിരഞ്ഞെടുത്താൽ മതി. ടാബുകളുടെ വലിപ്പം മാറ്റാനും സൗകര്യപ്രദമായി ക്രമീകരിക്കാനും സാധിക്കും.
2. സ്മാർട്ട് പിഡിഎഫ് എഡിറ്റിംഗ്
പിഡിഎഫ് ഫയലുകൾ എഡിറ്റ് ചെയ്യാൻ ഇനി മറ്റ് ആപ്പുകളുടെ സഹായം വേണ്ട. ബ്രൗസറിൽ തന്നെ പ്രധാന ഭാഗങ്ങൾ ഹൈലൈറ്റ് ചെയ്യാനും, കുറിപ്പുകൾ ചേർക്കാനും, ഡിജിറ്റൽ സിഗ്നേച്ചർ നൽകാനും സാധിക്കും.
3. സേവ് ടു ഗൂഗിൾ ഡ്രൈവ്
ഡൗൺലോഡ് ചെയ്യുന്ന ഫയലുകൾ ഇനി കമ്പ്യൂട്ടറിൽ തിരഞ്ഞു നടക്കേണ്ടതില്ല. ഫയലുകൾ നേരിട്ട് ഗൂഗിൾ ഡ്രൈവിലേക്ക് സേവ് ചെയ്യാം. ഡ്രൈവിലെ “Saved from Chrome” എന്ന ഫോൾഡറിലേക്ക് ഇവ ഓട്ടോമാറ്റിക്കായി എത്തും.
വിദ്യാർത്ഥികൾക്ക് പഠനക്കുറിപ്പുകൾ തയ്യാറാക്കാനും പിഡിഎഫുകൾ പരിശോധിക്കാനും, ഓഫീസ് ജോലിക്കാർക്ക് ഒരേസമയം ഒന്നിലധികം ഡോക്യുമെന്റുകൾ നോക്കി ജോലി ചെയ്യാനും, സാധാരണക്കാർക്ക് ഫയലുകൾ നഷ്ടപ്പെടാതെ ഡ്രൈവിൽ സൂക്ഷിക്കാനും എളുപ്പത്തിൽ ബ്രൗസ് ചെയ്യാനും ഈ മാറ്റങ്ങൾ പ്രയോജനപ്പെടും
The post ഗൂഗിൾ ക്രോമിൽ ഇനി ‘ഇരട്ട ലുക്ക്’; സ്പ്ലിറ്റ് സ്ക്രീൻ ഉൾപ്പെടെ കിടിലൻ മാറ്റങ്ങൾ appeared first on Express Kerala.