ട്രെയിൻ യാത്രക്കാർക്ക് നിർണ്ണായക അറിയിപ്പുമായി ഇന്ത്യൻ റെയിൽവേ കാറ്ററിംഗ് ആൻഡ് ടൂറിസം കോർപ്പറേഷൻ (IRCTC). ഇനി മുതൽ ഓൺലൈനായി ടിക്കറ്റുകൾ ബുക്ക് ചെയ്യുന്നതിന് ആധാർ വെരിഫിക്കേഷൻ നിർബന്ധമാക്കി. ടിക്കറ്റ് ബുക്കിംഗ് സംവിധാനം കൂടുതൽ സുരക്ഷിതമാക്കുന്നതിനും വ്യാജ ബുക്കിംഗുകൾ തടയുന്നതിനുമാണ് ഈ പുതിയ പരിഷ്കാരം നടപ്പിലാക്കുന്നത്.
ആധാർ നിർബന്ധമാക്കിയതിലെ പ്രധാന മാറ്റങ്ങൾ
അഡ്വാൻസ് റിസർവേഷൻ (ARP): ടിക്കറ്റ് ബുക്കിംഗ് ആരംഭിക്കുന്ന ആദ്യ ദിവസം ടിക്കറ്റുകൾ ലഭിക്കുന്നതിന് ആധാർ പരിശോധന പൂർത്തിയാക്കിയവർക്ക് മാത്രമേ സാധിക്കൂ. ആധാർ ലിങ്ക് ചെയ്യാത്ത ഉപയോക്താക്കൾക്ക് ആദ്യ ദിവസം ബുക്കിംഗ് അനുവദിക്കില്ല.
Also Read:ഡൽഹി-മീററ്റ് സൂപ്പർഫാസ്റ്റ് യാത്ര; 50 മിനിറ്റിൽ ലക്ഷ്യസ്ഥാനത്തെത്താം, നമോ ഭാരത് റെഡി!
തത്കാൽ ബുക്കിംഗ്: പെട്ടെന്നുള്ള യാത്രകൾക്കായി ഉപയോഗിക്കുന്ന തത്കാൽ ടിക്കറ്റുകൾക്കും ഇനി ആധാർ വെരിഫിക്കേഷൻ നിർബന്ധമാണ്. തത്കാൽ ക്വാട്ടയുടെ ദുരുപയോഗം തടയാൻ ഈ നീക്കം സഹായിക്കുമെന്ന് IRCTC വ്യക്തമാക്കുന്നു.
സുരക്ഷ: വ്യാജ അക്കൗണ്ടുകൾ വഴിയുള്ള ടിക്കറ്റ് കരിഞ്ചന്ത തടയുന്നതിനും യഥാർത്ഥ യാത്രക്കാർക്ക് ടിക്കറ്റ് ലഭ്യമാക്കുന്നതിനും ഈ സുതാര്യമായ രീതി ഉപകരിക്കും.
യാത്രക്കാർക്കായി ഇ-പാൻട്രി സേവനവും
ഭക്ഷണ സൗകര്യങ്ങൾ പരിമിതമായ ട്രെയിനുകളിൽ യാത്രക്കാർക്കായി IRCTC ‘ഇ-പാൻട്രി’ സേവനം ആരംഭിച്ചു. നിലവിൽ തിരഞ്ഞെടുത്ത 25 ട്രെയിനുകളിലാണ് ഈ സൗകര്യം ലഭ്യമാകുക. യാത്രയ്ക്ക് മുൻപേ ഇഷ്ടപ്പെട്ട ഭക്ഷണം ഓർഡർ ചെയ്യാനും അത് സീറ്റുകളിൽ എത്തിച്ചു നൽകാനും ഈ സേവനത്തിലൂടെ സാധിക്കും. ടിക്കറ്റ് നിരക്കിൽ ഭക്ഷണം ഉൾപ്പെടാത്തതും പാൻട്രി കാർ സൗകര്യമില്ലാത്തതുമായ ട്രെയിനുകളിലെ യാത്രക്കാർക്ക് ഇത് വലിയ ആശ്വാസമാകും.
The post തത്കാൽ ടിക്കറ്റ് വേണോ? എങ്കിൽ ആദ്യം ആധാർ ലിങ്ക് ചെയ്യൂ; പരിഷ്കരിച്ച നിയമങ്ങൾ നിർബന്ധമാക്കി appeared first on Express Kerala.
