വനിതാദിനത്തോടനുബന്ധിച്ച് കേശദാന ക്യാമ്പ് നടത്തി കരുവന്നൂര്‍ സി.എൽ.സി.

ഇരിങ്ങാലക്കുട : വനിതാദിനത്തോടനുബന്ധിച്ച് കരുവന്നൂര്‍ ഇടവകയിലെ യുവജന പ്രസ്ഥാനമായ സി.എൽ.സി.യുടെ നേതൃത്വത്തില്‍ കേശദാന ക്യാമ്പ് സംഘടിപ്പിച്ചു.

തൃശൂർ അമല ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിന്റെ സഹകരണത്തോടെയാണ് ക്യാമ്പ് സംഘടിപ്പിച്ചത്.

ക്യാൻസർ ചികിത്സയിലൂടെ മുടി നഷ്ടപ്പെടുന്ന രോഗികൾക്ക് വിഗ് തയ്യാറാക്കുന്നതിനായി ആവശ്യമായ മുടി ശേഖരിക്കുക എന്ന ലക്ഷ്യത്തോടെയാണ് പരിപാടി നടത്തിയത്.

അമല ആശുപത്രി ജോയിന്റ് ഡയറക്ടറായ ഫാ. ജെയ്സൺ മുണ്ടൻമാണി കേശദാനത്തിന്റെ പ്രാധാന്യത്തെയും അതിന്റെ സാമൂഹികപ്രസക്തിയെയും കുറിച്ച് സംസാരിച്ചു.

ഇടവക വികാരിയും സി.എൽ.സി. ഡയറക്ടറുമായ ഫാ. ഡേവിസ് കല്ലിങ്ങൽ അധ്യക്ഷത വഹിച്ചു.

ഏകദേശം അൻപതോളം പേർ അവരുടെ മുടി ദാനം ചെയ്തു.

കൺവീനർമാരായ ഗ്ലാനിയ ജോസ്, ഡെൽന ഡേവീസ്, സിന്റോ ആന്റോ എന്നിവർ ക്യാമ്പിന്റെ ഒരുക്കങ്ങളും പ്രവർത്തനങ്ങളും ഏകോപിപ്പിച്ചു.

സി.എൽ.സി. പ്രസിഡന്റ് ആൽഫിൻ ജോഷി, ട്രഷറർ അനുഷ് ജോസ് എന്നിവരും മറ്റു കമ്മിറ്റി അംഗങ്ങളും പരിപാടിക്ക് നേതൃത്വം നൽകി.