കാസർകോട് നുള്ളിപ്പാടിയിൽ നിർമ്മാണത്തിലിരിക്കുന്ന കെട്ടിടത്തിലെ ലിഫ്റ്റ് കുഴിയിൽ യുവാവിനെ മരിച്ച നിലയിൽ കണ്ടെത്തിയത് കൊലപാതകമാണെന്ന് പോലീസ് പ്രാഥമിക നിഗമനത്തിലെത്തി. കർണാടക സ്വദേശിയാണെന്ന് കരുതപ്പെടുന്ന യുവാവിന്റെ മൃതദേഹത്തിൽ വലിച്ചിഴച്ചതിന്റെ പാടുകൾ ദൃക്സാക്ഷികൾ കണ്ടത് കൊലപാതക സാധ്യത വർദ്ധിപ്പിക്കുന്നു. ലഹരി സംഘങ്ങളുടെ താവളമായി മാറിയ ഈ കെട്ടിടത്തിൽ പരിശോധനയ്ക്കെത്തിയ ഉടമയുടെ മകനാണ് ചൊവ്വാഴ്ച രാത്രിയോടെ മൃതദേഹം കണ്ടെത്തി പോലീസിനെ വിവരമറിയിച്ചത്. സംഭവത്തിൽ മരിച്ചയാളുടെ സുഹൃത്തുക്കളെ കേന്ദ്രീകരിച്ച് പോലീസ് അന്വേഷണം ഊർജ്ജിതമാക്കിയിരിക്കുകയാണ്.
The post കാസർകോട് യുവാവിനെ ലിഫ്റ്റ് കുഴിയിൽ മരിച്ച നിലയിൽ കണ്ടെത്തി; കൊലപാതകമെന്ന് പ്രാഥമിക നിഗമനം appeared first on Express Kerala.
