കുവൈത്ത് അന്താരാഷ്ട്ര വിമാനത്താവളത്തെ ലക്ഷ്യമിട്ടുണ്ടായ ഡ്രോൺ ആക്രമണത്തിൽ റഡാർ സംവിധാനത്തിന് നാശനഷ്ടങ്ങൾ സംഭവിച്ചു. ആക്രമണത്തിൽ ആളപായമൊന്നും റിപ്പോർട്ട് ചെയ്തിട്ടില്ലെന്ന് സിവിൽ ഏവിയേഷൻ അധികൃതർ വ്യക്തമാക്കി. നിലവിലുള്ള അടിയന്തര പ്രവർത്തന പദ്ധതി പ്രകാരം വിവിധ സർക്കാർ ഏജൻസികളുമായി ഏകോപിച്ച് സ്ഥിതിഗതികൾ നിയന്ത്രണവിധേയമാക്കിയതായും അധികൃതർ അറിയിച്ചു.
പ്രധാന കേന്ദ്രങ്ങളുടെ സുരക്ഷ ശക്തമാക്കുന്നതിന്റെ ഭാഗമായി വിമാനത്താവള പരിസരത്ത് കണ്ടെത്തിയ ഒരു ഡ്രോണിനെ കുവൈത്ത് നാഷണൽ ഗാർഡ് വെടിവച്ചു വീഴ്ത്തി. സിവിൽ വ്യോമഗതാഗതത്തിന്റെ സുരക്ഷ ഉറപ്പാക്കാൻ ആവശ്യമായ എല്ലാ മുൻകരുതൽ നടപടികളും സ്വീകരിച്ചിട്ടുണ്ട്. നിലവിൽ വിമാനത്താവളത്തിന്റെ പ്രവർത്തനം സായുധ സേനയുടെയും പൊലീസിന്റെയും കർശന നിരീക്ഷണത്തിലാണ്.
Also Read: യുഎഇയിലേക്കുള്ള വിമാന സർവീസുകൾ അടിയന്തരമായി റദ്ദാക്കി വിമാന കമ്പനികൾ
രാജ്യത്തിന്റെ സുരക്ഷയും സ്ഥിരതയും സംരക്ഷിക്കുന്നതിനായി സുരക്ഷാ ഏജൻസികൾ അതീവ ജാഗ്രത പാലിക്കുകയാണ്. പൗരന്മാരും താമസക്കാരും സുരക്ഷാ നിർദ്ദേശങ്ങൾ കർശനമായി പാലിക്കണമെന്ന് നാഷണൽ ഗാർഡ് അഭ്യർത്ഥിച്ചു. സായുധ സേനയും ഫയർ ഫോഴ്സും ഉൾപ്പെടെയുള്ള വിഭാഗങ്ങൾ ഏകോപിച്ച് ഏത് സാഹചര്യത്തെയും നേരിടാൻ സജ്ജമായിട്ടുണ്ടെന്നും കുവൈത്ത് സർക്കാർ അറിയിച്ചു.
The post ജാഗ്രത! കുവൈത്ത് വിമാനത്താവളത്തിന് നേരെ ഡ്രോൺ ആക്രമണം appeared first on Express Kerala.
