സിപിഎമ്മിന് എസ്ഡിപിഐയുമായും പിഡിപിയുമായും ഡീൽ; ആഞ്ഞടിച്ച് രമേശ് ചെന്നിത്തല

കേരളത്തിൽ എൽഡിഎഫ്- എസ്ഡിപിഐ- പിഡിപി അവിശുദ്ധ കൂട്ടുകെട്ടാണെന്ന് കോൺഗ്രസ് നേതാവ് രമേശ് ചെന്നിത്തല. 2021 മുതൽ സി.പി.എമ്മും ബി.ജെ.പിയും തമ്മിൽ വോട്ട് കച്ചവടം നടക്കുന്നുണ്ടെന്നും ഈ അന്തർധാര 2026-ലും തുടരുകയാണെന്നും അദ്ദേഹം ആരോപിച്ചു. ആരുടെ വോട്ടും വേണ്ടെന്ന് പറയില്ലെന്ന ഇ.പി. ജയരാജന്റെ പ്രതികരണത്തിനെതിരെയും ചെന്നിത്തല പ്രതികരിച്ചു.

കൂടാതെ, പാലക്കാട് നഗരസഭ കൗൺസിലർക്കെതിരായ ലൈംഗികാരോപണത്തിൽ കർശന നടപടി വേണമെന്ന് ആവശ്യപ്പെട്ട ചെന്നിത്തല, സർക്കാർ പദ്ധതികളിലെ സോഫ്റ്റ്‌വെയർ തട്ടിപ്പിലും ദിനേശ് ബീഡി സഹകരണ സംഘത്തിന് ടെൻഡർ നൽകിയതിലും വലിയ അഴിമതിയുണ്ടെന്ന് കുറ്റപ്പെടുത്തി. ഈ ഇടപാടുകളിൽ മന്ത്രി ഉൾപ്പെടെയുള്ളവർക്ക് പങ്കുണ്ടെന്നും ഇതിലെ ദുരൂഹത നീക്കണമെന്നും അദ്ദേഹം ആവശ്യപ്പെട്ടു.

The post സിപിഎമ്മിന് എസ്ഡിപിഐയുമായും പിഡിപിയുമായും ഡീൽ; ആഞ്ഞടിച്ച് രമേശ് ചെന്നിത്തല appeared first on Express Kerala.