പുത്തൻ ലുക്കിൽ ടൊയോട്ട ഫോർച്യൂണർ; മൂന്നാം തലമുറ മോഡൽ 2026-ൽ എത്തിയേക്കും

ഇന്ത്യൻ വിപണിയിലെ ജനപ്രിയ എസ്‌യുവിയായ ടൊയോട്ട ഫോർച്യൂണർ കൂടുതൽ കരുത്തോടെയും ആധുനികമായ മാറ്റങ്ങളോടെയും മൂന്നാം തലമുറയിലേക്ക് പ്രവേശിക്കാൻ ഒരുങ്ങുകയാണ്. നിലവിൽ പരീക്ഷണ ഓട്ടം ആരംഭിച്ച ഈ പുതിയ മോഡൽ 2026 അവസാനത്തോടെയോ 2027 തുടക്കത്തിലോ വിപണിയിൽ എത്തുമെന്നാണ് പ്രതീക്ഷിക്കുന്നത്. പുറത്തുവന്ന സ്പൈ ഇമേജുകൾ പ്രകാരം വാഹനത്തിന്റെ രൂപകൽപ്പനയിൽ വലിയ മാറ്റങ്ങൾ ഉണ്ടാകും. കൂടുതൽ നേരായ നിലപാടും വിശാലമായ മുൻഭാഗവും പരന്ന ബോണറ്റും പുതിയ ഫോർച്യൂണറിന് കൂടുതൽ പൗരുഷം നൽകും. ആഗോള വിപണിയിലെ പുതിയ ഹിലക്സ് മോഡലിൽ നിന്ന് പ്രചോദനം ഉൾക്കൊണ്ട ഡിസൈൻ ഘടകങ്ങളാകും ഇതിൽ പ്രധാനമായും ഉൾപ്പെടുത്തുക. വലിയ ഗ്രില്ലും സ്ലിം എൽഇഡി ഡിആർഎല്ലുകളും പുനർരൂപകൽപ്പന ചെയ്ത ബമ്പറുകളും വാഹനത്തിന് പ്രീമിയം ലുക്ക് നൽകുന്നു.

ഇന്റീരിയറിന്റെ കാര്യത്തിലും വലിയ അപ്‌ഗ്രേഡുകളാണ് ടൊയോട്ട ലക്ഷ്യമിടുന്നത്. കൂടുതൽ ആഡംബരം നിറഞ്ഞ ഉൾഭാഗത്ത് 12.3 ഇഞ്ച് വലിപ്പമുള്ള ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റവും പൂർണ്ണമായും ഡിജിറ്റലായ ഡ്രൈവർ ഡിസ്‌പ്ലേയും ഉണ്ടാകാൻ സാധ്യതയുണ്ട്. ഇതിനുപുറമെ വയർലെസ് ഫോൺ ചാർജിംഗ്, 360-ഡിഗ്രി ക്യാമറ, സൺറൂഫ്, വെന്റിലേറ്റഡ് സീറ്റുകൾ തുടങ്ങിയ അത്യാധുനിക സൗകര്യങ്ങളും പുതിയ മോഡലിൽ പ്രതീക്ഷിക്കാം.

Alsio Read:ടൂറിസ്റ്റ് ബസുകളുടെ നിറംമാറ്റം! ഒരു ലക്ഷം രൂപ ഫീസ് ഈടാക്കാൻ ശുപാർശ; അന്തിമ തീരുമാനം സർക്കാരിന്

എഞ്ചിന്റെ കാര്യത്തിൽ നിലവിലുള്ള വിശ്വസനീയമായ 2.7 ലിറ്റർ പെട്രോൾ, 2.8 ലിറ്റർ ഡീസൽ ഓപ്ഷനുകൾ തന്നെയാകും കമ്പനി തുടരുക. പെട്രോൾ എഞ്ചിൻ 164 bhp കരുത്തും ഡീസൽ എഞ്ചിൻ 201 bhp കരുത്തും വാഗ്ദാനം ചെയ്യുന്നു. കൂടാതെ ഇന്ധനക്ഷമത വർദ്ധിപ്പിക്കുന്നതിനായി 2.8 ലിറ്റർ ടർബോ ഡീസൽ എഞ്ചിനൊപ്പം മൈൽഡ് ഹൈബ്രിഡ് സാങ്കേതികവിദ്യയും ലഭ്യമായേക്കും. ആറാം തലമുറയിലേക്ക് കടക്കുമ്പോഴും ഫോർച്യൂണറിന്റെ കരുത്തും ആധിപത്യവും നിലനിർത്താൻ പോന്ന മാറ്റങ്ങളാണ് ടൊയോട്ട ഒരുക്കുന്നത്.

The post പുത്തൻ ലുക്കിൽ ടൊയോട്ട ഫോർച്യൂണർ; മൂന്നാം തലമുറ മോഡൽ 2026-ൽ എത്തിയേക്കും appeared first on Express Kerala.