ദുബായ്: ആഗോള ഇന്റർനെറ്റ് സാങ്കേതികവിദ്യയിൽ ചരിത്രപരമായ മുന്നേറ്റവുമായി യുണൈറ്റഡ് അറബ് എമിറേറ്റ്സ്. ലോകത്തിലെ ആദ്യത്തെ വാണിജ്യ അപ്പർ 6GHz നെറ്റ്വർക്ക് ആരംഭിച്ചുകൊണ്ട് ലോകത്തിലെ ആദ്യത്തെ ’10 ഗിഗാ’ രാജ്യമായി യുഎഇ മാറി. 2026-ലെ സമേന കൗൺസിൽ ലീഡേഴ്സ് ഉച്ചകോടിയിൽ ടെലികമ്മ്യൂണിക്കേഷൻസ് ആൻഡ് ഡിജിറ്റൽ ഗവൺമെന്റ് റെഗുലേറ്ററി അതോറിറ്റി ആണ് ഈ സുപ്രധാന പ്രഖ്യാപനം നടത്തിയത്.
അൾട്രാ ഫാസ്റ്റ് ഇന്റർനെറ്റ് സൗകര്യം ഉറപ്പാക്കുന്ന ഈ പുതിയ നെറ്റ്വർക്ക്, ഇന്റർനെറ്റ് കണക്ഷനുകൾ കൂടുതൽ വേഗമേറിയതും തടസ്സമില്ലാത്തതുമാക്കാൻ സഹായിക്കും. 6425–7125 MHz ബാൻഡിൽ പ്രവർത്തിക്കുന്ന ഇതിനെ “ഗോൾഡൻ സ്പെക്ട്രം” എന്നാണ് വിദഗ്ധർ വിശേഷിപ്പിക്കുന്നത്. മികച്ച കവറേജും ഉയർന്ന വേഗതയും ഒരേസമയം നൽകാൻ കഴിയുന്ന ഈ സാങ്കേതികവിദ്യ, ഭാവിയിലെ 6G വിപ്ലവത്തിലേക്കുള്ള വലിയൊരു ചുവടുവെപ്പായാണ് വിലയിരുത്തപ്പെടുന്നത്.
Also Read: യുദ്ധഭീതിക്ക് താൽക്കാലിക വിട! എണ്ണവിലയിൽ വൻ ഇടിവ്; ഓഹരി വിപണിയിൽ കുതിപ്പ്
പുതിയ 5G സാങ്കേതികവിദ്യയിലൂടെ ഉപയോക്താക്കൾക്ക് സെക്കൻഡിൽ 10Gbps വരെ ഡൗൺലോഡ് വേഗതയും 1Gbps അപ്ലോഡ് വേഗതയും ലഭിക്കും. വലിയ ഫയലുകൾ നിമിഷങ്ങൾക്കുള്ളിൽ ഡൗൺലോഡ് ചെയ്യാനും, ഹൈ-ക്വാളിറ്റി സ്ട്രീമിംഗ് സുഗമമാക്കാനും, ആർട്ടിഫിഷ്യൽ ഇന്റലിജൻസ് അധിഷ്ഠിത സേവനങ്ങൾ കൂടുതൽ കാര്യക്ഷമമാക്കാനും ഇതിലൂടെ സാധിക്കും. ഹുവായ്, നോക്കിയ തുടങ്ങിയ ആഗോള കമ്പനികളുടെയും യുഎഇയിലെ പ്രമുഖ ടെലികോം ഓപ്പറേറ്റർമാരായ ‘ഡു’, ‘ഇ ആൻഡ്’ എന്നിവരുടെയും സഹകരണത്തോടെയാണ് ഈ പദ്ധതി യാഥാർത്ഥ്യമാക്കിയത്.
NB: ഈ വാർത്തയിൽ ഉപയോഗിച്ചിരിക്കുന്ന ചിത്രം പ്രതീകാത്മകമാണ്. (Generated by AI)
The post ഇന്റർനെറ്റ് വിപ്ലവവുമായി യുഎഇ; ലോകത്തിലെ ആദ്യത്തെ ’10 ഗിഗാ’ രാജ്യമായി മാറി appeared first on Express Kerala.
