മഹാത്മാ എൽ.പി. & യു.പി. സ്കൂളിൽ പരിസ്ഥിതിദിനം ആഘോഷിച്ചു

ഇരിങ്ങാലക്കുട : പൊറത്തിശ്ശേരി മഹാത്മാ എൽ.പി. & യു.പി. സ്കൂളിൽ സംഘടിപ്പിച്ച പരിസ്ഥിതി ദിനാഘോഷം നഗരസഭ വൈസ് ചെയർപേഴ്സൺ ചിന്ത ധർമ്മരാജൻ ഉദ്ഘാടനം ചെയ്തു.

വാർഡ് കൗൺസിലർ വിനീത ടീച്ചർ അധ്യക്ഷത വഹിച്ചു.

പൊറത്തിശ്ശേരി കൃഷിഭവന്റെ നേതൃത്വത്തിൽ കൃഷി ഓഫീസർ അഖിൽ വൃക്ഷത്തൈ നട്ടു.

പ്രധാന അധ്യാപിക പി.ജി. ബിന്ദു പരിസ്ഥിതിദിന സന്ദേശം നൽകി.

തുടർന്ന് പരിസ്ഥിതി സംരക്ഷണത്തിന്റെ പ്രാധാന്യത്തെക്കുറിച്ച് സ്കൂൾ മാനേജർ വി.എം. സുശിതാംബരൻ, ഒ.എസ്.എ. പ്രസിഡൻ്റ് എം.ജെ. ഷാജി മാസ്റ്റർ, പി.ടി.എ. പ്രസിഡൻ്റ് കാർത്തിക സന്തോഷ് എന്നിവർ പ്രസംഗിച്ചു.

“ഭൂമിക്ക് തണലേകാം” എന്ന സന്ദേശം ഉയർത്തിപ്പിടിച്ച് സ്കൂൾ പരിസരത്ത് കുട്ടികൾ വൃക്ഷത്തൈകൾ നട്ടു.

വിദ്യാർഥികൾ പരിസ്ഥിതി സംരക്ഷണ പ്രതിജ്ഞ ചൊല്ലുകയും, പ്രകൃതി സംരക്ഷണവുമായി ബന്ധപ്പെട്ട ഗാനങ്ങൾ ആലപിക്കുകയും ചെയ്തു.

ചടങ്ങിൽ കുട്ടികൾ തയ്യാറാക്കി കൊണ്ടുവന്ന പോസ്റ്റുകൾ, ബാഡ്ജ്, പതിപ്പ്, ചുമർപത്രിക എന്നിവ പ്രകാശനം ചെയ്തു.

“ചങ്ങാതിക്ക് ഒരു തൈ” എന്ന പ്രവർത്തനത്തിന്റെ ഭാഗമായി എല്ലാ കുട്ടികളും അവരുടെ ചങ്ങാതിക്ക് വൃക്ഷത്തൈ കൈമാറി.

പ്രധാന അധ്യാപിക പി.ജി. ബിന്ദു പരിസ്ഥിതിദിന സന്ദേശം ചുമരിൽ പതിച്ച് ഫീഡ് ക്ലബ്ബ്, എക്കോ ക്ലബ് എന്നിവയുടെ ഉദ്ഘാടനം നിർവഹിച്ചു.

ഇരിങ്ങാലക്കുട നഗരസഭ വൈസ് ചെയർപേഴ്സൺ ചിന്ത ധർമ്മരാജൻ വൃക്ഷത്തൈ നട്ട് കാർഷിക ക്ലബ്ബ്, പരിസ്ഥിതി ക്ലബ് എന്നിവയുടെ ഉദ്ഘാടനം നിർവഹിച്ചു.