ധർമേന്ദ്ര പ്രധാന്റെ രാജി : ആഹ്ലാദ പ്രകടനം നടത്തി യൂത്ത് കോൺഗ്രസ്‌

ഇരിങ്ങാലക്കുട : നീറ്റ് പരീക്ഷ ചോദ്യപേപ്പർ ചോർച്ചയിൽ കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ രാജി വച്ചതിൽ യൂത്ത് കോൺഗ്രസ് ഇരിങ്ങാലക്കുട നിയോജകമണ്ഡലം കമ്മറ്റിയുടെ ആഭിമുഖ്യത്തിൽ ആഹ്ലാദപ്രകടനം നടത്തി.

നിയോജകമണ്ഡലം പ്രസിഡന്റ് സനൽ കല്ലൂക്കാരന്റെ നേതൃത്വത്തിൽ നടന്ന പ്രകടനം ബ്ലോക്ക്‌ കോൺഗ്രസ്‌ പ്രസിഡന്റ് സോമൻ ചിറ്റേത്ത് ഉദ്ഘാടനം ചെയ്തു.

ഡിസിസി ജനറൽ സെക്രട്ടറി ടി.വി. ചാർളി മുഖ്യപ്രഭാഷണം നടത്തി.

യൂത്ത് കോൺഗ്രസ്‌ മുൻ മണ്ഡലം പ്രസിഡന്റ് ശ്രീറാം ജയബാലൻ, കെഎസ്‌യു നിയോജകമണ്ഡലം പ്രസിഡന്റ് ഫെസ്റ്റിൻ ഔസഫ്, ജില്ലാ എക്സിക്യൂട്ട് മെമ്പർ ഗിഫ്റ്റ്സൺ ബിജു, യൂത്ത് കോൺഗ്രസ്‌ മണ്ഡലം പ്രസിഡൻ്റുമാരായ ജോമോൻ മണാത്ത്, ഷാൽബിൻ പെരേര, ജസ്റ്റിൻ ജോർജ്ജ്, ശരത് ദാസ്, യൂത്ത് കോൺഗ്രസ് ഭാരവാഹികളായ എബിൻ ജോൺ, എൻ.ഒ. ഷാർവി എന്നിവർ പ്രസംഗിച്ചു.

ആൽബർട്ട് കാനംകുടം, അനന്തകൃഷ്ണൻ, ഷിൻസ് വടക്കൻ, എൽജോ കളത്തിങ്കൾ, അജീഷ് അരാണാട്ടുകാര, മിഥുൻ കാറളം തുടങ്ങിയവർ നേതൃത്വം നൽകി.