‘തൃപ്പൂണിത്തുറയെ ചരിത്ര പൈതൃക നഗരമാക്കണം, പ്രൊപ്പോസൽ തയാറാക്കിയാൽ നടപ്പാക്കാൻ സർക്കാ‍ർ തയ്യാർ, ഇക്കാര്യത്തിൽ രാഷ്ട്രീയം വേണ്ട’: അത്തച്ചമയ ഘോഷയാത്ര ഉദ്ഘാടനം ചെയ്ത് മുഖ്യമന്ത്രി

കൊച്ചി: കേരളത്തിന്റെ പൊന്നോണക്കാലത്തിന് വിളംബരമേകി ചരിത്രപ്രസിദ്ധമായ തൃപ്പൂണിത്തുറ അത്തച്ചമയ ഘോഷയാത്രയ്ക്ക് ആവേശകരമായ തുടക്കം. തൃപ്പൂണിത്തുറ ഗവ. ബോയ്സ് ഹയർ സെക്കൻഡറി സ്കൂൾ മൈതാനിയിൽ സംഘടിപ്പിച്ച ചടങ്ങിൽ മുഖ്യമന്ത്രി വി.ഡി. സതീശൻ അത്താഘോഷ പരിപാടികളുടെ ഔദ്യോഗിക ഉദ്ഘാടനം നിർവഹിച്ചു.(Tripunithura Athachamayam Flagged Off Chief Minister VD Satheesan Inaugurates Procession)

മന്ത്രി അനൂപ് ജേക്കബ് അടക്കമുള്ള പ്രമുഖ നേതാക്കൾ ചടങ്ങിൽ പങ്കെടുത്തു. തൃപ്പൂണിത്തുറയെ ചരിത്ര പൈതൃക നഗരമാക്കി മാറ്റണമെന്ന് മുഖ്യമന്ത്രി ഉദ്ഘാടന പ്രസംഗത്തിൽ ആഹ്വാനം ചെയ്തു. അത്തച്ചമയം നാടിന്റെ മതസൗഹാർദത്തിന്റെ പ്രതീകമാണെന്ന് അദ്ദേഹം അനുസ്മരിച്ചു.

ബാല്യകാലത്ത് അത്തച്ചമയം കാണാൻ നടന്നും സൈക്കിൾ ഓടിച്ചും വന്നിരുന്ന അനുഭവങ്ങൾ അദ്ദേഹം ഓർത്തെടുത്തു. തൃപ്പൂണിത്തുറയുടെ പൈതൃക പാരമ്പര്യം കാത്തുസൂക്ഷിക്കാൻ വിദേശ വിദഗ്ധരെ ഉൾപ്പെടുത്തി പഠനം നടത്തണമെന്നും, പ്രൊപ്പോസൽ തയാറാക്കിയാൽ അത് നടപ്പിലാക്കാൻ സർക്കാർ തയ്യാറാണെന്നും, ഇക്കാര്യത്തിൽ രാഷ്ട്രീയം മറന്ന് എല്ലാവരും ഒന്നിച്ചുനിൽക്കണമെന്നും അദ്ദേഹം കൂട്ടിച്ചേർത്തു.

Story Summary

Chief Minister V.D. Satheesan inaugurated the historic Tripunithura Athachamayam festival, marking the official beginning of Onam celebrations in Kerala. Addressing the gathering alongside Minister Anoop Jacob, the Chief Minister called for transforming Tripunithura into a global heritage city and assured government support for heritage preservation proposals.