അയ്യങ്കാളി സ്ക്വയറിൽവന്ദേമാതര സദസ്സ് സംഘടിപ്പിച്ച് ബിജെപി

ഇരിങ്ങാലക്കുട : ജമാ അത്തെ ഇസ്ലാമി, മുസ്ലീം ലീഗ് വർഗ്ഗീയ വിഭജന അജണ്ടയ്ക്കെതിരെ ബിജെപി തൃശൂർ സൗത്ത് ജില്ലാ കമ്മറ്റിയുടെ നേതൃത്വത്തിൽ വന്ദേമാതര സദസ്സ് സംഘടിപ്പിച്ചു.

സദസ്സിൽ എല്ലാവരും ഒത്തൊരുമിച്ച് വന്ദേമാതരം ആലപിച്ചു.

ജില്ലാ വൈസ് പ്രസിഡൻ്റ് പി.എസ്. അനിൽകുമാർ അധ്യക്ഷത വഹിച്ചു.

ബിജെപി സംസ്ഥാന വക്താവ് ടി.പി. സിന്ധുമോൾ ഉദ്ഘാടനം ചെയ്തു.

ജില്ലാ ജനറൽ സെക്രട്ടറിമാരായ കെ.പി. ഉണ്ണികൃഷ്ണൻ, കൃപേഷ് ചെമ്മണ്ട, മഹിളാ മോർച്ച ജില്ല പ്രസിഡൻ്റ് രശ്മി ബാബു, ജില്ലാ സെക്രട്ടറി ശ്യാംജി മാടത്തിങ്കൽ എന്നിവർ പ്രസംഗിച്ചു.

ജില്ലാ ഭാരവാഹികളായ അജീഷ് പൈക്കാട്ട്, ശെൽവൻ മണക്കാട്ടുപടി, അഡ്വ. സുബീഷ്, സിബിൻ, രിമ പ്രകാശ്, ശ്രീജേഷ് ഊരകം, രാജേഷ് കൊട്ടാരത്തിൽ, മണ്ഡലം പ്രസിഡൻ്റുമാരായ പി.എസ്. സുബീഷ്, ജിതേഷ്, കാർത്തിക സജയ്, ആർച്ച അനീഷ് എന്നിവർ നേതൃത്വം നൽകി.