റെയിൽവേ മന്ത്രിയുടെ ഉറപ്പ് ലംഘിച്ചു; പാലക്കാട് ഡിവിഷൻ വിഭജിച്ചത് കർണാടക ബിജെപിയെ പ്രീണിപ്പിക്കാനെന്ന് വികെ ശ്രീകണ്ഠൻ എംപി | VK Sreekandan on Palakkad Railway Division

പാലക്കാട്: പാലക്കാട് റെയിൽവേ ഡിവിഷൻ വിഭജിച്ച കേന്ദ്രസർക്കാർ നടപടിക്കെതിരെ രൂക്ഷ വിമർശനവുമായി വി.കെ. ശ്രീകണ്ഠൻ എം.പി. കേരളത്തിലെ എം.പിമാരെയും സംസ്ഥാന സർക്കാരിനെയും അറിയിക്കാതെയാണ് അർധരാത്രിയിൽ നടപടിയെടുത്തതെന്നും ഇത് കർണാടകയിലെ ബി.ജെ.പിയെ പ്രീണിപ്പിക്കാനുള്ള നീക്കമാണെന്നും അദ്ദേഹം ആരോപിച്ചു. (VK Sreekandan on Palakkad Railway Division)

പാലക്കാട് ഡിവിഷൻ വിഭജിക്കില്ലെന്ന് റെയിൽവേ മന്ത്രി കേരളത്തിന് നൽകിയ ഉറപ്പിന്റെ നഗ്നമായ ലംഘനമാണ് ഇപ്പോഴത്തെ തീരുമാനമെന്ന് ശ്രീകണ്ഠൻ പറഞ്ഞു. വിഷയത്തിൽ കേരളത്തിന്റെ ജനപ്രതിനിധികളോട് കൂടിയാലോചിക്കാതെയാണ് കേന്ദ്രം തീരുമാനമെടുത്തതെന്നും അദ്ദേഹം കുറ്റപ്പെടുത്തി. മംഗളൂരുവിനെ പാലക്കാട് ഡിവിഷനിൽനിന്ന് ഒഴിവാക്കുന്നതോടെ ഡിവിഷന്റെ വരുമാനത്തിലും ലഭിക്കുന്ന ഫണ്ടിലും കുറവുണ്ടാകുമെന്നും ഇതിലൂടെ പാലക്കാട് ഡിവിഷനെ ദുർബലപ്പെടുത്തുകയാണ് കേന്ദ്രസർക്കാരിന്റെ ലക്ഷ്യമെന്നും എം.പി ആരോപിച്ചു.

റെയിൽവേയുടെ ഈ നീക്കം ജനവിരുദ്ധമാണെന്നും ഇതിനെതിരെ പാർലമെന്റിനകത്തും പുറത്തും ശക്തമായ പ്രതിഷേധം സംഘടിപ്പിക്കുമെന്നും വി.കെ. ശ്രീകണ്ഠൻ വ്യക്തമാക്കി. വിഷയത്തിൽ കേരളത്തിന്റെ താൽപര്യങ്ങൾ സംരക്ഷിക്കാൻ ശക്തമായ ഇടപെടൽ നടത്തുമെന്നും അദ്ദേഹം പറഞ്ഞു.

Summary: Congress MP V.K. Sreekandan has strongly criticised the reported decision to split the Palakkad Railway Division, alleging that the move violates an assurance given by the Railway Minister. He also accused the Centre of attempting to appease the BJP in Karnataka and warned of strong protests inside and outside Parliament.