നെല്ലിപ്പലക തേഞ്ഞു പൊട്ടി..! ഹൂതികളുടെ ഭീഷണി; എണ്ണക്കയറ്റത്തിന് പുതിയ വഴി തുറന്ന് സൗദി, ചെങ്കടലിലൂടെ ബദൽ റൂട്ട്

റിയാദ്: ബാബ് അൽ-മന്ദബ് കടലിടുക്കിലെ സുരക്ഷാ ഭീഷണികൾ കപ്പൽ ഗതാഗതത്തെ ബാധിച്ചതോടെ എണ്ണ കയറ്റുമതിക്ക് പുതിയ വഴി ഒരുക്കി സൗദി അറേബ്യ. കടൽമാർഗത്തെ ആശ്രയിക്കുന്നത് കുറയ്ക്കുന്നതിനായി ചെങ്കടൽ തീരത്തെ യാൻബു തുറമുഖത്തുനിന്ന് ഈജിപ്തിലെ ഐൻ സുഖ്നയിലേക്ക് ടാങ്കറുകളിൽ ക്രൂഡ് ഓയിൽ എത്തിക്കുകയാണ് സൗദി. അവിടെനിന്ന് എണ്ണ ഈജിപ്തിന്റെ SUMED പൈപ്പ്‌ലൈൻ വഴി വടക്കോട്ട് സിദി കെരിറിലെത്തിച്ച് മെഡിറ്ററേനിയൻ തീരം വഴി അന്താരാഷ്ട്ര വിപണികളിലേക്ക് എത്തിക്കാനാകും.

ബാബ് അൽ-മന്ദബ് മേഖലയിലെ കപ്പൽ ഗതാഗതത്തിന് നേരിടുന്ന സുരക്ഷാ വെല്ലുവിളികളാണ് ബദൽ മാർഗത്തിന് പ്രാധാന്യം കൂട്ടുന്നത്. യെമനിലെ ഹൂതി സേന യാൻബുവിൽനിന്ന് എണ്ണ കയറ്റിയ കപ്പലുകളെ ലക്ഷ്യമിട്ട് ഉപരോധം പ്രഖ്യാപിച്ചതിന് പിന്നാലെയാണ് സൗദി പുതിയ റൂട്ടിന് കൂടുതൽ പ്രാധാന്യം നൽകുന്നത്. ഇതോടെ അപകടസാധ്യതയുള്ള കടൽമാർഗങ്ങളെ പൂർണമായി ആശ്രയിക്കാതെ സൗദി ക്രൂഡ് അന്താരാഷ്ട്ര വിപണികളിലെത്തിക്കാനുള്ള സാധ്യതയാണ് തുറക്കുന്നത്.

ALSO READ;‘നിരവധി പ്രശ്നങ്ങൾ, ഇറാൻ കടുത്ത പ്രതിസന്ധിയിൽ..! സംഘർഷങ്ങൾ രൂക്ഷമാകുമ്പോൾ ആഭ്യന്തര വെല്ലുവിളികൾ വർദ്ധിക്കുന്നതായി ഇറാൻ പ്രസിഡന്റ്

യാൻബുവിൽനിന്ന് ഐൻ സുഖ്നയിലേക്ക് ടാങ്കറുകളിൽ ക്രൂഡ് എത്തിച്ച ശേഷം SUMED പൈപ്പ്‌ലൈൻ ഉപയോഗിക്കുന്നതാണ് പുതിയ സംവിധാനത്തിന്റെ പ്രധാന പ്രത്യേകത. ഈ പൈപ്പ്‌ലൈൻ വഴി എണ്ണ സിദി കെരിറിലെ മെഡിറ്ററേനിയൻ തീരത്തേക്ക് എത്തിക്കാം. അവിടെനിന്ന് അന്താരാഷ്ട്ര വിപണികളിലേക്ക് എണ്ണ കയറ്റുമതി ചെയ്യാനാകും. ചെങ്കടലിലെ നേരിട്ടുള്ള കപ്പൽമാർഗങ്ങളിലെ സുരക്ഷാ ആശങ്കകൾക്കിടയിൽ സൗദിക്ക് ഇത് മറ്റൊരു കയറ്റുമതി മാർഗമായി മാറും.

ഹൂതികളുടെ ഭീഷണി മൂലം ബാബ് അൽ-മന്ദബ് മേഖലയിലെ കപ്പൽ ഗതാഗതം കൂടുതൽ സങ്കീർണമാകുന്ന സാഹചര്യത്തിലാണ് സൗദിയുടെ ഈ നീക്കം. എണ്ണ കയറ്റുമതിക്ക് കടൽമാർഗത്തിന് പകരം കര-പൈപ്പ്‌ലൈൻ സംവിധാനത്തെ കൂട്ടിച്ചേർത്തുള്ള ബദൽ റൂട്ട് സൗദിയുടെ കയറ്റുമതി ശൃംഖലയിലെ സമ്മർദം കുറയ്ക്കുമെന്നാണ് വിലയിരുത്തൽ.

The post നെല്ലിപ്പലക തേഞ്ഞു പൊട്ടി..! ഹൂതികളുടെ ഭീഷണി; എണ്ണക്കയറ്റത്തിന് പുതിയ വഴി തുറന്ന് സൗദി, ചെങ്കടലിലൂടെ ബദൽ റൂട്ട് appeared first on Express Kerala.