കൊളംബോ ടെസ്റ്റിൽ ഇന്ത്യയുടെ കൂറ്റൻ സ്കോറിനെതിരെ ഒന്നാം ഇന്നിങ്സിൽ ശക്തമായി പൊരുതി ശ്രീലങ്ക. മൂന്നാം ദിനം ആദ്യ സെഷൻ അവസാനിക്കുമ്പോൾ 4 വിക്കറ്റ് നഷ്ടത്തിൽ 130 റൺസ് എന്ന നിലയിലാണ് ആതിഥേയർ. കരിയറിലെ കന്നി അർധസെഞ്ചറിയുമായി ക്രീസിൽ ഉറച്ചുനിന്ന പസിന്ദു സൂര്യബന്ദരയുടെ മികച്ച പോരാട്ടമാണ് ശ്രീലങ്കയ്ക്ക് താങ്ങായത്. 6 പന്തിൽ 4 റൺസോടെ ക്യാപ്റ്റൻ ധനഞ്ജയ ഡി സിൽവയാണ് സൂര്യബന്ദരയ്ക്ക് കൂട്ട്. ആദ്യ ഇന്നിങ്സിൽ ഇന്ത്യ പടുത്തുയർത്തിയ സ്കോറിനേക്കാൾ 373 റൺസ് പിന്നിലാണ് നിലവിൽ ലങ്ക.
മഴമൂലം നഷ്ടപ്പെട്ട ഓവറുകൾ നികത്താൻ നേരത്തെ ആരംഭിച്ച മത്സരത്തിൽ 2ന് 8 റൺസ് എന്ന നിലയിലാണ് ശ്രീലങ്ക ബാറ്റിങ് പുനരാരംഭിച്ചത്. സ്കോർ 35ൽ നിൽക്കെ ഓപ്പണർ കാമിൽ മിഷാരയെ (19) പ്രസിദ്ധ് കൃഷ്ണ വിക്കറ്റ് കീപ്പർ ധ്രുവ് ജുറേലിന്റെ കൈകളിൽ എത്തിച്ചതോടെ ലങ്കൻ നിരയെ വേഗത്തിൽ തകർക്കാമെന്ന് ഇന്ത്യ കരുതി. എന്നാൽ നായകൻ ശുഭ്മൻ ഗില്ലിന്റെ ബോളിങ് മാറ്റങ്ങളിലെ ചില തീരുമാനങ്ങൾ ഇന്ത്യയ്ക്ക് തിരിച്ചടിയായി. പേസർമാരായ പ്രസിദ്ധ് കൃഷ്ണയെയും മുഹമ്മദ് സിറാജിനെയും ദീർഘനേരം പന്തേൽപ്പിക്കുകയും, ഫോമിലുള്ള പ്രധാന സ്പിന്നർ മാനവ് സുതാറിനെ പന്തെറിയിക്കാൻ വൈകിക്കുകയും ചെയ്തത് കളി ഇന്ത്യയുടെ കൈയിൽ നിന്ന് അകറ്റി.
Also Read: ‘ലോകകപ്പ് എന്താ റിഹേഴ്സലാണോ?’; ഹോക്കി മാനേജ്മെന്റിനെതിരെ കടുപ്പിച്ച് പി.ആർ. ശ്രീജേഷ്
നാലാം വിക്കറ്റിൽ ഒന്നിച്ച പസിന്ദു സൂര്യബന്ദരയും കമിന്ദു മെൻഡിസും (32) ചേർന്ന് 87 റൺസിന്റെ മികച്ച കൂട്ടുകെട്ടുണ്ടാക്കി ഇന്ത്യൻ പ്രതീക്ഷകൾക്ക് മങ്ങലേൽപ്പിച്ചു. 76 പന്തിൽ അർധസെഞ്ചറി തികച്ച സൂര്യബന്ദരയാണ് ലങ്കൻ ഇന്നിങ്സിന്റെ നട്ടെല്ലായത്. ഒടുവിൽ ഉച്ചഭക്ഷണത്തിന് പിരിയുന്നതിന് തൊട്ടു മുൻപ് മെൻഡിസിനെ പുറത്താക്കി പ്രസിദ്ധ് കൃഷ്ണ തന്നെയാണ് ഈ അപകടകരമായ കൂട്ടുകെട്ട് പൊളിച്ചത്. മൂന്നാം ദിനം വീണ രണ്ടു വിക്കറ്റുകളും പ്രസിദ്ധ് കൃഷ്ണയുടെ അക്കൗണ്ടിലാണ്.
നേരത്തെ, യുവതാരം ധ്രുവ് ജുറേലിന്റെ തകർപ്പൻ സെഞ്ചറിയുടെ കരുത്തിലാണ് ഇന്ത്യ ഒന്നാം ഇന്നിങ്സിൽ 9ന് 503 റൺസെന്ന കൂറ്റൻ സ്കോറിലെത്തി ഡിക്ലയർ ചെയ്തത്. കരിയറിലെ രണ്ടാം ടെസ്റ്റ് സെഞ്ചറി നേടിയ ജുറേലും തകർപ്പൻ ബാറ്റിങ് പുറത്തെടുത്ത ഋഷഭ് പന്തും (63) ചേർന്ന് ഏഴാം വിക്കറ്റിൽ കൂട്ടിച്ചേർത്ത 112 റൺസാണ് ഇന്ത്യയെ കൂറ്റൻ സ്കോറിലെത്തിച്ചത്. സാരാംശ് ജെയിനും (6) മാനവ് സുതാറും (18) വേഗത്തിൽ മടങ്ങിയെങ്കിലും വാലറ്റക്കാരെ കൂട്ടുപിടിച്ച് ജുറേൽ തകർത്തടിച്ചു. തോളിന് പരുക്കേറ്റ പന്തിന് പകരം രണ്ടാം ദിനത്തിൽ വിക്കറ്റ് കീപ്പറുടെ ഗ്ലൗസ് അണിഞ്ഞതും ജുറേലായിരുന്നു. ശ്രീലങ്കയ്ക്കായി അസിത ഫെർണാണ്ടോ നാല് വിക്കറ്റുകൾ വീഴ്ത്തി.
The post ഗില്ലിന്റെ തന്ത്രങ്ങൾ പാളി, കൊളംബോയിൽ ലങ്കയുടെ വീരോചിത തിരിച്ചുവരവ്; പസിന്ദു സൂര്യബന്ദരയ്ക്ക് അർധസെഞ്ചറി, ഇന്ത്യയ്ക്ക് തലവേദന! appeared first on Express Kerala.
Jockey 2726 Men Super Combed Cotton Rich Solid V Neck Half Sleeve T-Shirt Regular Fit
₹559.00 (as of August 25, 2026 14:07 GMT +05:30 - More infoProduct prices and availability are accurate as of the date/time indicated and are subject to change. Any price and availability information displayed on [relevant Amazon Site(s), as applicable] at the time of purchase will apply to the purchase of this product.)
Riddhika Ventures Stylish Kundan and AD Ring Rakhi with Roli Chawal and Greeting Card
₹99.00 (as of August 25, 2026 22:14 GMT +05:30 - More infoProduct prices and availability are accurate as of the date/time indicated and are subject to change. Any price and availability information displayed on [relevant Amazon Site(s), as applicable] at the time of purchase will apply to the purchase of this product.)
Clazkit Sporty Stainless Steel Water Bottle 500ml Set of 1 |ISI Certified| Leakproof, Rust-Free, BPA-Free, Durable for College, Fridge, Sports, Gym, Yoga & Office
₹187.00 (as of August 25, 2026 16:39 GMT +05:30 - More infoProduct prices and availability are accurate as of the date/time indicated and are subject to change. Any price and availability information displayed on [relevant Amazon Site(s), as applicable] at the time of purchase will apply to the purchase of this product.)
