ഫെയിലക്ക ദ്വീപിൽ കുവൈത്ത് നാവികസേനയുടെ വെടിവെയ്പ്പ് പരിശീലനം: സെപ്റ്റംബർ 30 വരെ കടലിൽ പോകുന്നവർക്ക് ജാഗ്രതാ നിർദേശം

കുവൈത്ത് സിറ്റി: ഫെയിലക്ക ദ്വീപിന് സമീപമുള്ള സൈനിക പരിശീലന കേന്ദ്രത്തിൽ കുവൈത്ത് നാവികസേനയുടെ തത്സമയ വെടിവെയ്പ്പ് പരിശീലനം ആരംഭിക്കുന്നു. സെപ്റ്റംബർ 13 ഞായറാഴ്ച മുതൽ സെപ്റ്റംബർ 30 വരെയാണ് പരിശീലനം നിശ്ചയിച്ചിരിക്കുന്നത്.

കുവൈത്ത് ആർമിയുടെ ഡയറക്ടറേറ്റ് ഓഫ് മോറൽ ഗൈഡൻസ് ആൻഡ് പബ്ലിക് റിലേഷൻസ് ആണ് വാർത്താക്കുറിപ്പിലൂടെ കാര്യം അറിയിച്ചത്.

പരിശീലനം നടക്കുന്ന കാലയളവിൽ സുരക്ഷ മുൻനിർത്തി കടലിൽ പോകുന്നവരും മത്സ്യബന്ധനത്തിലേർപ്പെടുന്നവരും വിനോദസഞ്ചാരികളും പ്രഖ്യാപിത പ്രദേശങ്ങളിലേക്ക് പ്രവേശിക്കുകയോ അടുക്കുകയോ ചെയ്യരുതെന്ന് അധികൃതർ കർശന നിർദേശം നൽകി.