‘പിണറായിയെ ലക്ഷ്യമിടുന്നത് ഇന്ത്യാ മുന്നണിയിൽ വിള്ളലുണ്ടാക്കാൻ; ഇഡി നീക്കത്തിന് പിന്നിൽ ബിജെപിയുടെ കുതന്ത്രം’: ടികെ ഗോവിന്ദൻ

കണ്ണൂർ: സിഎംആർഎൽ മാസപ്പടി ഇടപാടിൽ മുൻ മുഖ്യമന്ത്രി പിണറായി വിജയൻ ഉൾപ്പെടെയുള്ളവർക്കെതിരെ അഴിമതി നിരോധന നിയമപ്രകാരം എഫ്ഐആർ രജിസ്റ്റർ ചെയ്യാൻ സംസ്ഥാന സർക്കാരിനോട് എൻഫോഴ്‌സ്‌മെന്റ് ഡയറക്ടറേറ്റ് ആവശ്യപ്പെട്ടതിന് പിന്നിൽ ബിജെപിയുടെ ആസൂത്രിത രാഷ്ട്രീയ അജണ്ടയാണെന്ന് യുഡിഎഫ് പിന്തുണയുള്ള സ്വതന്ത്ര എംഎൽഎ ടികെ ഗോവിന്ദൻ.

പ്രതിപക്ഷ പാർട്ടികളുടെ ദേശീയ കൂട്ടായ്മയായ ‘ഇന്ത്യ’ മുന്നണിയിലെ പ്രധാന കക്ഷികൾക്കിടയിൽ ഭിന്നതയും വിള്ളലും സൃഷ്ടിക്കാനുള്ള തന്ത്രത്തിന്റെ ഭാഗമായാണ് കേന്ദ്ര ഏജൻസി ഈ നീക്കം നടത്തുന്നതെന്ന് അദ്ദേഹം ആരോപിച്ചു.

പിണറായി വിജയന്റെ മകൾ വീണ ടി അനധികൃതമായി പണം സമ്പാദിച്ചിട്ടുണ്ടെങ്കിൽ ആ വിഷയത്തിൽ ഏത് അന്വേഷണവും നടത്തുന്നതിൽ തെറ്റില്ലെന്ന് ടികെ ഗോവിന്ദൻ വ്യക്തമാക്കി.

 “അന്വേഷണം നടത്തുന്നതിന് നിയമപരമായ മാർഗ്ഗങ്ങളുണ്ട്.

എന്നാൽ, എങ്ങനെയെങ്കിലും പിണറായി വിജയനെ കുടുക്കുക എന്ന മുൻകൂട്ടിയുള്ള ലക്ഷ്യത്തോടെ അന്വേഷണ ഏജൻസികൾ ഇറങ്ങിത്തിരിക്കുമ്പോൾ അവർക്ക് സ്വന്തം വിശ്വാസ്യത തന്നെയാണ് നഷ്ടപ്പെടുന്നത്,” അദ്ദേഹം പറഞ്ഞു.

കേന്ദ്ര സർക്കാരിന്റെ രാഷ്ട്രീയ ഉപകരണമായി പ്രവർത്തിക്കുന്ന ഇഡിയുടെ നീക്കങ്ങൾ പൂർണ്ണമായും രാഷ്ട്രീയ പ്രേരിതമാണെന്നും അദ്ദേഹം കുറ്റപ്പെടുത്തി.