രാജ്പൗരിയിൽ ഭീകരരുടെ പ്രധാന ഒളിത്താവള ശൃംഖല തകർത്ത് ജമ്മു കശ്മീർ പോലീസ്: ലാഷ്കറെ ത്വയ്യിബയ്ക്ക് തന്ത്രപ്രധാന സഹായം നൽകിയ മൂന്ന് പ്രധാന സഹായികൾ അറസ്റ്റിൽ; ഭീകരർക്ക് വഴി കാട്ടികളായി പ്രവർത്തിച്ച സംഘത്തിൽ നിന്നും ഐ.ഇ.ഡി ബോംബും കണ്ടെടുത്തു
Current: മലയാളം
ജമ്മു: ജമ്മു കശ്മീരിലെ രാജ്പൗരിയില്‍ ഭീകരര്‍ക്ക് ഗതാഗതവും മറ്റ് അടിസ്ഥാന സൗകര്യങ്ങളും ഒരുക്കിനല്‍കിയിരുന്ന ഓവര്‍ഗ്രൗണ്ട് വര്‍ക്കര്‍ ശൃംഖലയെ തകര്‍ത്ത് ജമ്മു കശ്മീര്‍ പോലീസ്.
നിരോധിത ഭീകരസംഘടനയായ ലാഷ്കറെ ത്വയ്യിബയുമായി ബന്ധപ്പെട്ട് പ്രവര്‍ത്തിച്ചിരുന്ന സാക്കിര്‍ ഹുസൈന്‍, മുഹമ്മദ് ആസം, മുഹമ്മദ് മുഷ്താഖ് എന്നിവരെയാണ് അന്വേഷണസംഘം അറസ്റ്റ് ചെയ്തത്.
പീര്‍ പഞ്ചാല്‍ മേഖല കേന്ദ്രീകരിച്ച് പ്രവര്‍ത്തിച്ചിരുന്ന ഇവര്‍ ഭീകരര്‍ക്ക് കശ്മീര്‍ താഴ്വരയിലേക്ക് കടക്കാനുള്ള വഴികാട്ടികളായും ലൊജിസ്റ്റിക് പിന്തുണ നല്‍കുന്നവരായും പ്രവര്‍ത്തിച്ചുവരികയായിരുന്നുവെന്ന് പോലീസ് വക്താവ് അറിയിച്ചു.
സിവിലിയന്മാര്‍ക്ക് നേരെ നടന്നതുള്‍പ്പെടെയുള്ള പ്രമുഖ ഭീകരാക്രമണങ്ങളില്‍ ഇവര്‍ പങ്കാളികളാണെന്ന് സംശയിക്കുന്നു.
അറസ്റ്റിലായ പ്രതികളില്‍ ഒരാള്‍ നല്‍കിയ വിവരത്തിന്റെ അടിസ്ഥാനത്തില്‍ പ്രദേശത്ത് നിന്ന് ഒരു ഐ.ഇ.ഡി ബോംബും പോലീസ് കണ്ടെടുത്തു. വരും ദിവസങ്ങളില്‍ കൂടുതല്‍ ആള്‍ക്കാരെ കേന്ദ്രീകരിച്ച് അന്വേഷണം വ്യാപിപ്പിക്കാനാണ് പോലീസിന്റെ നീക്കം.
